Coronavirus Nih A Phak Mi Hna Mizaw Ka Damh Dih Khawh Hna A Si Ah Cun Laksawng Ah Tlangval Nan Ka Pek Lai

Hi nurse nu te hi muidawh ngai zong a si ve i a biachim zong uar a um ngai, a biachim mi le a catial mi nih China miphun an lungthin a cawlcangh ter ngai hna ti a si. Hi nurse nu hi a min ah Tian Fangfang tiah theih a si i China ram Wuhan khuapi chung i acozah siizung ah nurse a tuan lio mi a si tiah theih a si.

Tian Fangfang hi kum 30 a si ve cang nain pasal a ngei rih lo mi a si pinah darling zong a ngei lo mi a si i Wuhan khuapi chung i acozah siizung ah nurse a tuan cuahmah lio mi a si, tulio ah tihnung ngai mi zawtnak Coronavirus ruang ah minung tampi hna cu Nurse Tian Fangfang a um nak siizung ah hin an rak phan ve hna i Nurse Tian Fangfang nih cun a si khawh chung in zohkhenh le cawnghhrramh ai rak zuam len ve hna.

Nurse Tian Fangfang nih cun a uniform he ca tlangkhat a tial mi he hmanthlak a rak phozar i cu ca tlangkhat a tial mi cu “ka umnak siizung ah Coronavirus zawtnak ruang ah a rak phan mi vialte hi ka damh dih hna hnu ah China acozah nih laksawng ah tlangval pakhat in nan ka pek lai” tiah a hmanthlak he cun a phozar hi a si.

Cu kong cu chikhat teah China ramchung thawngzamh ah a hun thang ciamnam i thawngzamh kip nih interview nak an tuah cawlh. Cu interview nak zong ah cun Tian Fangfang nih cun “a tu hi kum 30 ka si cang nain tlangval zong ka ngei bal lo, pasal ngeih zong ka za ngai ko cang ti hi China mipi nih an theih cang caah kalawm. Pasal ding hi ka kawl taktak ko cang i a herh zong ka herh ko cang. Ka riantuan mi hi ka tlamtlinh a si ah cun China cozah nih tlangval pakhat cu rak ka pe hna seh ti ka duh ko” tiah zong fianghlang tein a chim hi a si.

Asinain interview donghnak leiah Tian Fangfang nih a chim mi cu nihin ni ah cun ka pasal ding kawlnak nakin siizung ah a um mi ka mizaw pawl hi an biapi deuh rih tiah zong a chim hi a si.

Ref: UNILAD

 284 total views,  1 views today

This function has been disabled for Chin 11 News.