Coronavirus Nih A Kualh Hna…By Salai C Alexander

Coronavirus timi khi khuaruahhar pah a si. Mipi hmai i Bible itlaihter, Pathian a zum biktu ilawhter ṭung i a rak pialsual deuhmi pawl ko a kualh deuhmi hna a lo.

Wuhan liote hrim khan, pialsual Khrihfa a rak kualhmi an um leen, tiah theih a si. An va pialsual pek pialsual lo pek ah, Korea Khrihfa pawl hna nihcun, Khrihfa an si ve ai ti in fund bawmhnak tete an rak tuahpiak hna. An rak ka kholh bal ve. Cu virus cu Korea ram chungah an von luhpi. A luhpi hmasa bik pa cu a neh an dawi khawh colh. Pialsual khrihfa pawl luhpi belte mi tamtuk te voi khat chawnh ah an ichawnh manh. An khrihfabu hrawhpiak ding tiangin Korea mipi nih online petition an tuah. Pialsual buu dang thotho nih tor lakte an ichawnh chap rih hoi.

Nitlaklei ram zongah a pialsual deuh, lung khat phur pastor tbk cu an chungkhar in a tlunh hna. Anmah lehlam an nunnak a liam. Kawlram ah si hoi. Rev. David Lah cawnpiaknak khi “cult” si maw si lo ti in dothlatnak cu tuah a rak si bal lo. Nain, amah pumpak nih phung a chim tawnnak ah aa chim tawn lengmangmi cu, “Kei cu Baptist in a ṭhangmi ka si. Nain, atu hi Baptist ka si lo. Khrihfa zong ka si lo. Jesuh zumtu ka si,” ti khi a phuan tawn. Jesuh min hmangin thil tuah kho dedeng bantuk in aa chim ve.

Tutan pulrai kong zong a chimmi a tam ngai. “Zei bantuk khrihfa an si ka thei lo, kannih Jesuh aa bochanmi hna cu zawtnak rungrul nih a kan luh hnawh kho hrimhrim lai lo” tbk in a au. A rau lo. Amah tu positive si ko. Amah lawng si loin, amah he aa pehtlaimi minung pawl zong an itlunh viar. US lebang, an Pu Vom nih “miracle in ka tlauter lai”. “Nan dam dih i nan him dih”. “Zawtnak rungrul cu ka hren khawh diam cang” a tongh.

A thil tuahmi le a duhnak pawl zoh tikah, amah nih pulrai a karhter i mi zapi sinah itlunh dih hna seh, ti duhnak he bia a chim, lai a rel cuahmah. Tlawmpal ah, a ram cu a zual cem ram ah a ser. An ikualh ning hmanh a faak khun. An ramkulh hruaitu pawl he an isi viar. Bia chia le bia kha in a raak hna. A pamh hna. A minung pawl nih meithal itlaih in buai an itim lulh cang. Job tuanbia zoh tikah, zawtnak kha Pathian nih a sermi si lo. Pathian nih Job cu a zawttermi si lo. Nain, Lucifer sinah hneksaknak nawl a rak pek.

Lucifer hneksaknak ah a bawmtu hruaitu cu Lucifer fapa an si lo ah, Pathian fapa kan ti kho hnga maw ti khi ruah awk a um. Kam khatlei ah, a pialsual tuk i Amah min in a rak au tawnmi pawl cawnpiak a kan duh caah, Pathian nih zawtnak rungrul lawnter dingin Lucifer duhnak lam a rak onh zong si kho thotho.

 222 total views,  1 views today

This function has been disabled for Chin 11 News.