Coronavirus Na Ngeih Le Ngeihlo Theih Khawh Nak Ah Nangmah Tein Zeitindah Na Tuah Ning A Si Lai

A tulio ah tihnung taktak a si mi le vawlei cung pumpi nih thinphang thlalau in a cuanh cuahmah mi Coronavirus hi ralrin khawh chung in ralrin kan herh ti cu kan theih lengmang cang mi a si. Cun kan theih lengmang rih mi cu Coronavirus a ngei mi hna nih an sining le an um tuning zong voitampi chim le tial lengmang a si cang i takling le khuh khuh hnu i siizung ah admit an si tikah cun an rak zualhma ngai cang tinak a si caah zeitin hmanh in an nunnak chawnh khawh an rak si ti hna lo.

Cu ruang ah Coronavirus na ngeih le ngeihlo theih/hngalh khawh nak ding ah Wuhan siibawi pawl le Coronavirus nih a phak mi hna pawl a thlopbul tuhna nih an chim mi kan hun langhter ve nak hi a si.

Zingka na tthangh le cangka tein second 10 chung kha fakpi in na thaw na dawp hnu ah thaw chuahlo bakin second 10 chung na sum lai cu hnu second 10 ah na thaw na chuah than lai i cu na thaw chuah mi cu thaba (faint) khuh khuh, rethei ngai in na um a si ah cun na cuap a tha rih tinak a si caah coronavirus na ngei lo tinak a si.

Zeiruang ah ti a si ah cun coronavirus nih a phak cang mi hna cu an cuap a hrawh caah an thaw chuah a hman kho lo i zarhhnih ah cun an thi lengmang ko hna ti a si ruang ah Taiwan le Wuhan siibawi pawl hna nih mah le mah hneksak nak ding ah an rak langhter mi a si. Tuah a har tuk mi zong a si lo caah zing na thawh hlan i na ihkhun cung ah na tuah khawh mi a si ko i rak tuah ve lengmang ko.

Source: Cele News Asia

 546 total views,  1 views today

This function has been disabled for Chin 11 News.