Coronavirus Konglam Hmanung Bik (LATEST) Tih A Nung Ngai!

Tuchun Coronavirus Update: US ah coronavirus in minung 40 an thi cang, Zawtnak rungrul a ngeimi minung 1758 an si. State 34 ah zawtnak rungrul an hmuh. Stock market a tla. Khualtlawn, meting, conference, puai a phunphunm, lentecelhnak Premier league le Series A puai an thawn. Mibu tampi tonnak tibantuk cancel a si. Zung a kharmi le sianginn a kharmi an um len cang. President Trump nih national emergency thanh i, a ran khawh chung in US ummi vialte coronavirus testing tuah ding plan a ngei kho men an ti. Tuchun press conference ah a chim theo lai.

Kan umnak Maryland zong March 15-27 tiang sianginn khar a si. Europe ram in US luhnak innka ni 30 chung khar chung a si. Asinain England in cun US ah luh khawh si. Italy le Iran ram hi atu lio ah a zual hma bik an si. Canada vuancichuk nupi, Brazil President, fidi Tom Hank te nupa, Arsenal coach Arteta, Chelsea team Judson Odoi hna hi coronavirus zawnak rungrul an ngei ti a si. Kawlram, North Korea le Loas ram hi atu tiang ah an itel rih lo. Coronavirus in a a thimi, A zawmi an tampi nain a dammi an tam deuh . A thimi hi kum upa thisa dermi le a tar deuhmi an si.

Ralrin Ding: 1. Na kut thiang tein ttawl lengmang. Kut ttawl hi khamhnak tha bik a si. 2. Kan taksa kua chung in a lutmi si caah na hnar kua, na mit, le na hnakhaw tongh lo izuam. Rawl ei hrimhrim ah kut in ei lo ding.

3. Mi kut tlaih hrial khawh izuam. A herh lo ah mi tak tongh lo ding.  4.Shopping kal, puai kal iranril hau. Leng na chuah i na kir le cangka na kut chapiat in thiang tein ttawl lengmang ding A herh lo ahcun leng chuah lo ding a si lai. Na cawpit na hathio i, na tak a linh ahcun sibawi i piah colh ding.

Coronavirus hi ttih tuk ding a si lo i, ngamh tuk ding zong a si lo. Iralrin poah a tha.

Credit: Salai Lairamthang

 297 total views,  1 views today

This function has been disabled for Chin 11 News.