CORONAVIRUS Cu Minung Nih An Ser Chommi Asi Hrimhrim Ko Tiah Pro. Luc Montagnier Nih A Phuang

Pro. luc Montagnier cu August 18, 1932 ah a chuak i, France miphun asi. Retrovirus timi (HIV/AIDS) zawtnak hrik a hmu hmsa tu asicaah 2008 kum ah NOBEL PRIZE in Physiology/Medicine an rak pek. Atuhi Gilmore Health Center ah Professor a tuan lio asi.

Luc Montagnier nihcun Wuhan Virus kan timi Covid-19 hrik hi Tuluk Scientist pawl nih an ser chommi asi i, Palak in zawtnak hrik aa sem timi ruahnak cu a pom kho bak lo. Tuluk Scientist pawl nih HIV/AIDS hrik Kaakuaisii (HIV Vaccine) caah Coronavirus an sernak in an i thlah phoih sualmi asi tiah fiang tein a chim. Tuluk nih HIV Vaccine caah ser chommi Coronavirus hmang in hniksaknak (research) an tuah hi keimah hrimhrim nih ka theihmi asi tiah Interview pakhat a chimmi cu Gilmore webside nih a langhter.

Keimah le ka riantuan hawi asimi Biologist Pro. Jean Claude Perez he cun Covid-19 DNA cu kan checkhlai tik ah minung nih ser chommi Biological Virus hrik asinak kha fiangtuk in kan hmuh khawh tiah a chim. Cun India Scientist pawl zong nih Covid-19 hi Tuluk nih HIV Vaccine caah an sermi asi tiah an rak phuang cang ko nain a rau hlan ah an post cu an delete than. Tuluk Cozah Press an phang ruang ah maw an delete than hnga tiah Luc Montagnier nihcun a chim chap.

Azeisipoh ah Covid-19 cu Tuluk Scientist pawl nih HIV Vaccine caah an serchom mi asi i, LAB in an i thlaphoih sualmi asi ko ticu a fiang cang. Zapi nih kan rak ruah mi Biological Weapon (Mithahnak Hrainam) cu a rak si lem rua lo…

#Qoute
Gilmore Health News

Luc Montagnier

(Nobel Prize 2008)

Catialtu: Jacob R. Thang

 259 total views,  1 views today

This function has been disabled for Chin 11 News.