Coronavirus Ai Thawhkeh Ning Le Israel Mifim Pakhat Nih A Rak Chim Chung Mi Bia

Tuzing AP News ka relmi ah nihin bak in vuleicung dihlak ah Coronavirus in azawmi minung tingkhat (100,000) kan phan tiah an vun țialmi ka hmuh. Mah zawtnak hrik- Virus kong hi achuah ka te ah khan Israel Mossad rak țuan bal pa nih China nih hriamnam an sermi an test nak ah an i thlah phoih sual mi chung in achuak mi zawtnak hrik asi tiah achim colh nain an bia an phih piak colh pin ah Israel nih China kha an nawl colh hna. Biachim pa hi Mossad țuan liomi asi lo caah amah tein aruahnak achim mi asi an ti piak colh.

March 8, 2014 ah Malaysia vanlawng MH370 arak tlau mi cu vanlawng mawngpa nih amah le amah nunnak aa laknak asi ti kha mah acan cang ka khan kan theih ko nain cozah rianțuan lio kan si caah kan rak chim ngam cio lo tiah kha lio Australia Prime Minister arak țuan mi Mr. Tony Abbot nih nai tein ah aphuan. Chim duh mi cu; cozah rianțuan lio ahcun mipi sin ah phuan lo ding bia pawl hi atamtuk caah an rian in an i dinh hnu ah an phuan țheo tawn. Tutan Coronavirus kong hi Mossad spy hlun pa nih arak phuan colh mi kha zumh cem cio asi nain ahohmanh nih chim phuan ngam cio asi lo tiah biathli atam ngai ngai. Mah test nak atuah hmasa bik tu hna hi Canada ram nih arak dawimi Tuluk scientist pahnih an si ti asi.

Canada ah an rak thok hnik hmasa nain cozah nih țihnung tukmi asi kha an theih caah an rak țhawl hna i atu Wuhan ah khin an va test ti asi. Biological Weapon timi hriamnam phun asi i cu hriamnam cun minung kah hna ahcun minung khen lo zong ah apawngkam thil kha Carbon Dioxide achuah ter colh caah oxygen thaw dawp mi paoh cu thih colh ding hriamnam khi asi ti asi. Hriannam phun kip ser ruang ah hin vuleicung kip ah i thlah phoih nak hi arak um lengmang tawn mi asi ko nain tutan China cu a thlah phoih lio ah cei ko in an phomh chih law law ti ding khi asi hnga.

Mah zawtnak hi atu ahcun “Politicized” an tuah cang i asinak leng tuk in alang cang. Hi nih China economy athlaak tak tak pin ah vuleicung airline service pawl hi kumkhat ah $838 Billions phaisa achuahter mi service pi asi nain atu ahcun hi virus ruang ah vanlawng cit ngam loin an um cang, khual an tlawng ngam ti lo. Cucaah hi ti ning te hincun kum dih hlan ah $100 billions hrawng sungh dawh an si ti asi. Tuluk thilri ramleng nih an caw ngam ti lo, Tuluk minung hmuh hna hmanh ah hmur i huh i zamtak ding in kan um cang hna. Hi zawtnak hi tțih anung tuk mi asi hrimhrim lo, țih nung tuk ding in an ser chih mi asi ti hi kan ralrin ahau deuh. Vuleicung ah hi bantuk Coronavirus nak in țih anung deuh mi cu hi bantuk caan chuah paoh ah mah ca lawng ruat i sipuazi ai tuah nak mi pawl hi Virus bak cu an si. Hi hna pawl ci hi information technology chan nih fak tuk in hrik chiahru achuah pi mi tu hi cozah kip nih kham hna seh law kan him deuh tuk hnga.

Thin phang tuk in um hrim hlah uh, adai colh ko lai.

Credit: Victor Khen Sang

 966 total views,  1 views today

This function has been disabled for Chin 11 News.