Corona Virus Kong Ah Pathian Bia Cu Zing Tin Cuai Sinah A Rak Phan

By ZING TIN CUAI

Mitthli he zaan khuadei a ni nithumnak thla ka cam ka orr zong a ping dih cang i tha ka ngei ti lo. Ka tlu hnik lengmang nain ka tho than i nusal lungcan kaa pe lengmang. Cu lio te deilei sang te cun ka hnulei in mi pakhat nih ka liang in a ka bengh i “Ziah minu na tah lengmang ko ” tiah a ka ti. Ka vun ihawi i ka hmuhmi cu ceunak lawng a si caah ka khuaruah har cang ka mit cu kaa nuai than i tha tein ka zoh nain ceunak leng cun mi muisam keng a um lo.

Ka lung loh pah bu cun; “Ziah ka tah lai lo , atu lio pulrai kong hin lung daih khawh a si hnga maw?” tin ka leh ve. Thawng a rak chuak than i  “Pathian na kan zuam cawh cu ta a pakhat nak ah ” a ti , cun a peh than mi cu “Dolly timi Tuu gene DNA in nan lak i a mah muikeng pakhat nan ser”
“Cu lawng si loin a dang thingkung pardawh le phusa gene vialte nan cawhpolh dih” “Minung ser nan tim ti ka theih colh i kaan rak hrawh piak dih hna kha” a ti , cun a peh than i “Khakha Keimah nan Pathian na kan zuam cawh mi a si cang ” a ti .

Dai te cun mittep loin ka zoh ko , a awthawng nih a fiang hmeisei. Thlawmpal ah aa thawh than i “A pahnihnak cu pa le pa, nu le nu sualnak nan cohlan , ka duh lo bik mi” a ti than. A dai than i rau lo te khin thawng a hun chuak than; “Ka bia nan vaivuanh dih, nal profet nan tam tuk” a ti rih. A thawng cu ka hngah lengmang nain a chuah ti lo caah kaa thawh i; “A si cun hi pulrai hi zeitin a si lai” tiah a ka thei hnga maw tiah ka leh ve.

Ka hngah ko i minutes (5) hrawng ka thu ko. Thawng pakhat a rak chuak than i; “Mitthli in hi vawlei nan tawl lo cun a dong ti lai lo” “Lamkam i uivak tete anmah le mah an sa an iei lai, mi harsa pawl anmah unau nupi sa fahniang sa an iei lai i, lainawnnak phunphun a chuak lai” “Ral a tho lai i ramkhat le ramkhat buainak a karh lai” “Cu tik i mitthli he nan thurhter cia mi hi vawlei hi nan tawl than lo cun caan a dong lai” “Thianglawr a si lai”a ti.

Kaa thawh ve than i; “A si kun hi pulrai hi zeitin aa thawk ” tiah ka hal than. A ka lehmi cu ; “Tuluk nih chemical hriam lei a tuahnak le DNA in gene a cawhpolh ruang ah ka duh lo i ka chuahter” “Dolly timi tuu kong ah ka hrawh ciami ka biakam kha an nunter than caah a si”. “Lungtak in a ka zummi paoh nan him lai, thinphang tuk hlah u” a ti i a tlau than. ™Pathian bia a si caah kaan leh piak kho hna lo, ka ruah ve len lio a si.

Credit: Zing Tin Cuai

 1,394 total views,  2 views today

This function has been disabled for Chin 11 News.