Corona In A Thimi MINO Cheukhat

Covid-19 in a zawmi vawleipi huap in minung 769 300 leng an si a thimi 36 900+ an si cang. Hi ca nan rel lio ahhin in an thi cuahmah, an i chonh cuahmah ko rih tiah Worldometer ning in theih a si. Hi rai nih kum khua in upadeuh le aa thupmi zawtnak phun: cancer, thithlum, lung le cuap tibantuk dam lonak a ngeimi hna kha fakdeuh in a tawngh hna tiah theih a si nain mino zong tlawmpal an thi cang.

Europe i kum nobik a thimi cu kum 14 a simi Victor (Hmanthlak) hi a si i amah hi bawlung a chuih pengmi a si nain a chunglei dam lonak a rak ngeih caah Corona in a thihnak hi a si tiah Portugal siibawi te nih an chim.

France miphun kum 16 nu Julie (hmanthlak) tu hi zei zawtnak hmanh ngei bak lo in Corona nih a tlunh i tei kho lo in a nunnak a liammi a si. – Cu a si caah mino pawl daithlang hlah u, hi zawtnak nih upa le tar lawng a buut hna lo, hohmanh kan luat lo tiah a unu nih a chim. Spain i bawlung chuih thiam kum 21 pa Francisco Garcia hi Corona a ngei tiin siizung ah an phak pi hnu ah a thimi a si. Thi cancer a rak ngeih caah a rang khun tiah an ruah.

Sweden nu kum 26 le kum 30 pa zong Corona he pehtlai in an thi ve, an min le an kong lam cu Privacy he pehtlai in an langhter lo. Zahan ah kan rak ttial cang bantuk in USA ah bawhte (nau chuakka) cu Corona in a thi i cucu a nobik a thimi a si.

Laknak: Teirial Catialtu

 231 total views,  1 views today

This function has been disabled for Chin 11 News.