CNP Pawl Nih Thantlang Peng Khuate Kip Ah Sawmnak Ca An Kuat Dih Cang Hna

Thantlang i CNP pawl cu hngetngai in an dir ti cu a fiang ngai, A tu cia in biatak tein an cawlcang cang i Thantlang peng ah hin teinak kan hmuh lai tiah a tam u CNP nih an chim. A ruang cu CNP zang cu chin party pei si ko cu tiah tampi cu an lung an lek khawh hna.

CNP hi hei cak sehlaw zei bantuk policy dah kan nei i, kan kal pi ti a fiang lo mi an mah chung CNP party nih an fiang ve lo. An cung lei lutlai lawng nih an thei rua, cucu tuhi khuate lai kip ah ceih phai an tong ngai hna. Nain zei hngal lo pawl nih Chin min a tel ai pat tiah tanh thlorh in kan tanh i CNP hi ruah lo pi ah a cat kho an si.

Tuthla ni 28 ah khan Thantlang CNP zung nih Khuate kip ah sawmnak ca le thawngthanh nak ca cu a khuakip ah an kuat an kuat hna tiah theih a si, an ca pek ter mi i a chim ning ah cun ca phawt man zong laksawng an kan tuah tiah a chim. CNP hi a tu ah hin a thli tein thil tampi an i tuah cia i, an hruaitu pawl nih beisei nak tampi an nei ti cu a fiang.

CNP an upa pakhat i a chim ning le bang ah cun, kan nih cu chin miphun caah a dir mi kan si i, Chin mi nan duh ning tein kan in hruai hna lai i nan duh hreh mi poh nan kan chimh khawh , asi khawh chung in kan i bawm hna lai i, kawl kuttang in kan luat cang lai tiah a chim. A tu lio an cawlcangh ning ruah ah cun CNLD nih hin mah ti i bia an chim ko ah cun a tei te lai lo i Thantlang peng ah hin CNP an cak te lai ti hi phan a um ngai.

 173 total views,  1 views today

This function has been disabled for Chin 11 News.