CNLD Party An Dirh Cu Thutdanh Duh Ah An Dirhmi A Si Ti Lengmang Hna Kaw

Hmanthlak: Pu Tawk Cung fb

By Aceu-Salai Sang Ceu Lian

CNLD Party an dirh cu thutdanh duh ah an dirhmi a si ti lengmang hna kaw,

A si, Thutdanh hi politics ah a biapi tukmi hmun pakhat a si ve hrim. Nain politician taktak nih cun thutdanh nakin miphun kha first ah an chiah. Thutdanh duh cu si sehlaw, *Pu No Than Kap hi CNF Chairman sinak bakin Kawl Cozah sin ah a kirmi a si caah kha lio ahkhan Kawl Ralkap le Cozah caah thazaang taktak a rak si hnga i, 2010 ahkhan USDP in icuh sehlaw VP hmanh a tling khomi a si. Nain thutdanh nakin miphun kha biapi deuh in a chiah caah Chin Party tu a rak dirh.

* Salai David Ngai Sak hi thutdanh duh men ah politics rak tuah sehlaw 1989 ah khan Salai Lian Hmung Sakhong le Salai Ram Ling Hmung te pawl he Chin Party an rak dirh hnga lo.1990 le 2010 cu chim a hau lo i, 2015 ahhin NLD in icuh sehlaw VP khi amah a si men hnga. Cun Chin State NLD Chairman lebang khi cu a tuan huam le huamlo a si lai. A ruang cu atu i NLD Chin pawl hlan ah Daw Suu hawikom tha an si diam cang. A hawi sawhsawh hmanh an silo, Daw Suu ramkhel ah a luhpitu a saya an si.

* Pu Zo Zam hi thutdanh duh men si sehlaw NLD ah a lut hnga i, a tu i Tedim NLD pawl nak khin a let in thutdanh sang a ting deuh hnga.

A hodah thutdanh lawng a zoh, A fiang ngai ko lo maw?

Thutdanh kong nan chim lengmang ahcun Pu Van Kulh, Pu Ral Hmung le Pu Hrang Thio te pawl an tuanbia cawih viar a hau lai i, a thar in kan buai than sual lai phan a um ngai ee.

 129 total views,  2 views today

This function has been disabled for Chin 11 News.