CNLD Na Vote Hlanah Hi Thil Hi Na Theih Hrimhrim A Herh!

CNLD kong ah ka theihmi – JP Biak Tin Sang

CNLD Party a tu lio hruaitu a simi chairman hi David Ngai Sak a si. A mah hi cathiam sawhsawh lawng si lo in upadi a thiammi a si i LL.M asi. Keimah ka rak ttuanmi bantuk biaceih bawi ( Township Judge ) a rak ttuanmi a si ve ca ah a kong hi ka theih deuhnak a si. A sianghngak chiat lio te in miphun a dawmi a si i kan Chin miphun university sianghngakchia zong a rak hruaitu hna a si vemi a si.
1988 kum lio ah a tu Chin mi nih kan pa ban tuk kan ti i kan uar ngaimi CNF/CNA vice chairman Dr. Lian Hmung Sa Khawng te hna he CHIN NATIONAL LEAGUE FOR DEMOCRACY ( CNLD ) an rak thok lio ah amah hi General Secretary a rak ttuantu a si. Cu lio i NLD hruaitu Awng San Suh Kyi le U Tin Oo te hna he zong a rak i thei hngal ngaimi an si hna.

Cu lio ah Acozah nih CHIN national day zong tuah an rak khamh ngaimi kha 1989 kum a voi 41 naak CHIN NATIONAL DAY zong kha CNLD Party min bak in ttih a nun tuk lio ah ral ttha ngai in an rak tuah i Pi Suh le Tin Oo zong nih an rak tel pi hna. Nan zumh nak hnga an hmanthlak zong ka thil chih.

Cu lio ah keimah zong Paletwa ah biaceih bawi ( Township Judge ) ka ttuan lio a si na in 1987 lio i Gangaw peng ka um lio ah voi 39 nak Chin National Day cu ttihnung a rak si bu te in Gangaw peng Cengtum ( Saidu khua ) ah ka rak tuah pimi hna kha peh zul in Gangaw peng ah CHIN NATIONAL DAY cu ttha tak in ka rak tuah ter ve hna. Ttih cu a rak nung pah.

A tu ah CNLD hruaitu chairman hi David Ngaisak bak a si. Mi dang nan timi hna hi an si lo. Mi dang cu MP zong ah an i cuh lai lo ti hi ka theih tawk in kan chimh hna.Kei cu zei Party hmanh ka si lo. CHIN miphun ca ah cun thih ngamh in a ttang ngammi CHIN pa sal ttha pakhat cu ka si ve.

 193 total views,  1 views today

This function has been disabled for Chin 11 News.