CNLD Independent Candidate Kong Fianternak

Hakha peng ah pumpak (Independent) in aa cuh ding mi Candidate micheu nih Chin National League for Democracy (CNLD) he aa fonh mi le CNLD he a ṭangṭi bantuk in an chim mi, biachokvak tete a um tiah kan theih. Biak dik le bia hmaan a si sual ahcun thimfung ngeitu mizapi caah laklawhnak tete le lungawṭawmnak tete a um kho mi a si caah atu bantuk in fianternak kan hun tuah.

Hakha peng in aa cuh ding mi Pumpak Candidate (Independent) lakah Pu Ngun Maung dah ti lo cu, CNLD aiawh in a dir mi le CNLD he aa fonh mi an um lo. Hi kong ah thimfung ngeitu mizapi nih nan rak hngalthiam cio naklai kan i nawl hna. Pu Ngun Maung i a hmelchunh (Logo) cu Chokhlei kung cung i Vokok pakhat aa fu mi a si lai.

Cucaah CNLD Hakha Peng in MP aa cuh mi ah Pyithu Hluttaw in Candidate Pu Ngun Maung lawng CNLD aiawh in MP aa cuh ding ah kan dirpi mi le CNLD he aa fonh mi a si.

Party dang in MP aa cuh mi le Pumpak (Independent) in aa cuh mi hna nih CNLD min hman lo ding le CNLD min ningcang loin a hmang i Party min a chiattertu cu Thimnak Upadi le Zulhphung ning in hma kan in lak hna lai tiah thawng kan in thanh hna.

Executive Committee

Hakha Peng

2020 October (Tho) 8