CNLD an buai cu NLD caah lam kaupi a hung cang lai

Tukum November thla kawlram pumpi thim nak ah a hei in tlangcung mi kan caah cun, NLD le CNLD hi a zuam dingah kan ruah hna. USDP party cu kan tih dih i a ceih zong kan huam lem ti lo. Ralkap uk nak cu zei tuk i a tha tiah an chim hmanh ah kan tih tuk hna i, kan pabik Dr Hmuh Thang i a chim a dir pi bu ah tling dawh an si lo.

Culio ah CNLD le NLD chinram ah an i cil lai i, a ho dah a tei lai tiin kan zoh lio ah, CNLD cil hmanh hau ti loin an mah le an mah an i seh i, buainak a chuak i, NLD Thantlang i a zuam ding mi caah cun thawngtha ngai pa khat a hung si.

Hi ti ning i a um kal ko a si i, CNLD an buai pah peng ah cun a zei ti lei hmanh in NLD party cu an tei hna nak ding lam a um ti lo caah NLD party caah cun thawngtha le ngaih nuam taktak a si. A tu an buai nak hi hei dih hmanh seh seh law a chung le cu a dam kho hlei ti lai lo i rinhchanh tlak ah chinmi nih an ruah lai lo caah lung rawk ngai kan si ko, Sahngar hni naa Arpi ttah naa kan si cng ko hih.

 192 total views,  2 views today

This function has been disabled for Chin 11 News.