CNLD, A Thatnak Phun 4 Le A Thatlo Nak Phun 7, Cuaithlai Tti Hna Usih

CNLD a thatnak le a chiatnak cuai thlai thiam a hau ngai tiah ka ruah a tanglei ahhin vun zoh chun tuah hna usih:

A thatnak.

1.  A min Chin asi i Chin mi kan ca cun a tha tuk a dawh tuk, min tha bak asi, miphun party tiah kanmah lai holh te in kan ti i mi thinlung ah hmual a ngei i a dawh hlei khun.

2. Democracy Federal kan ngah khawh nakhnga miphun party tete um hi a herh ve hrimhrim mi asi, miphun party tiah miphun min tein kan dirh hi a tha tuk. Miphun party cu ngeih kan herh ve mi asi ko.

3. Kawl kut tangah kum zabu dengmang kan um cang i cu chung in kan luat khawh nakhnga ti hmuntinh he a kal mi an si i a tha tuk.

4. Kanmah miphun ca lawng a ruatmi miphun ca bakah policy dawh le tha a ngei mi an si a tha tuk. An pilicy cu kanmah chin mi ca ah a tha tuk.

A thatlonak:

1.  Kan ram a hrawk dihtu Ralkap party an komh mi hna hi a tha lo, a ruang cu ralkap nih cun tlangcung mi nih federal ngah hi an duh hrimhrim lo mi asi, cucu kan ram tuanbia zoh ahhin a fiang tuk mi asi. Ralkap a komh hna hi a poi tuk. An kom hna lo nan ti men lai nain an komh hna le a komh hna lo cu kan biachim kan umtu kan cawl cang ning zong nih a fianter ko tiah ka hmuh.

2. Democracy Federal ah a kan kalpi tu ding NLD an doh hi a tha hrimhrim lo tiah ka hmuh. Zeiruang ah ti ahcun, NLD dah ti lo nih cun aho hmanh nih democracy federal ah a kan kal pi duh hrimhrim lai lo, Ngun Cung Lian nih hluatdaw ah thutdan 206 hi nanmah ta asi i tha tein nan hman thiam ahcun federal cu nan ngah ko lai a ti mi zong khi ralkap ca thatnk ding chuahpi tu asi, zeitin dah ralkap ca cun a that kan ti asi ahcun, tlangcung mi nih hluatdaw ah thutdan 206 kan lak dih asi ahcun NLD cozah a sung lai, NLD a sungh ahcun Anmah ralkap an lal than lai, ralkap nih zeitluk in dah tlangcung mi a kan huat i a kan hrem i a kan nautat ti cu kan dihlak hngalh mi asi ko. NLD lawng hi ralkap nih an tih hna i an ngiar hna ti cu kan theih cio dih ko lai ka zumh, tlangcung mi vote vaivuanhter in NLD doh a tim mi ralkap an si. CNLD nih NLD a doh i a soisel hi kan dohmi ral kan i palh tiah ka hmuh.

3.  Atu CNLD cu MP a cuhmi an si kan zapi tein kan theih kan hmuh mi asi ko i, MP tuannak in federal lam kalpinak lam a um lo, hluatdaw ah federal kong agenda a kai kho hrimhrim lai lo ti cu kan dihlak hngalh mi asi ko. A lam lo in federal an khel i a si kho lo mi asi ca ah a tha lo, anmah pawcawmnk ca men asi. Pinlung conference ah CHIN min aiawh in meeting kai mi um kan hau nan ti men lai, Pinlung Conference ah CNLD nih chin miphun a kan aiawh ahcun CNF an kai kho ve hoi ti lai lo. Lian Hmung Sakhong um ti lai lo, No Than Kap a kai hau hnga i ruat ko tuah uh.

4.  NLD he hawikomhnak an rak ngeih khwh lo mi hi a tha lo taktak mi cu asi, ziah ti ahcun NLD loin CNLD nih thatnak lam a panh kho lo, zei tin dah a panh khwh lo ti ahcun Democracy a duhlo mi ralkap hi ramkhel (politic) ah an um ve rih i CNLD nih amah lawng in zeitin hmanh a tei kho lai lo, Hluatdaw chung zong ah CNLD nih ralkap cu a zei ti hmanh a ti kho lai lo i a leng hriam nam zong in a zei ti hmanh a tei kho lai lo. Tlangcung mi vialte kan i bawm lai i kan doh lai ti zongah thisen tamtuk a luang lai i a tha lo chin mi ram ah kan i cang lai thatnak lam zawh than a har chin chin lai.

5.  Ram ramkhat ca i a biapi bikmi Constitution hi CNLD nih a zeitin hmanh a remh khwhnk ding lam a um lo, hihi remh hmasa loin federal a ra kho fawn lo. Aruang cu Kakuaizi Wonkyi nawl ngeihnak kha kan theih dih, cun Kakusizi Wonkyi cu rslkap asi lai ti asi kan theih fawn, remh ta lo in cun a lam a um kho lo.

6.  2008 phunghram remh hmasa lo in cun zeitin hmanh uknak tha kan hmu kho lai lo. Cucaah phunghram remh khwhnak ding ahcun NCA lam lawng hi a um, CNLD nih an ti khwh ding mi a um fawn lo.

7.  CNLD hruaitu zoh ahhin hnit a pit van a sang, policy bound tangah am um an duh psoh in an cawl kho lai lo na ti men lai nain, tusnbia an tial cianak vialte kha policy lo in a rak vakmi group sawhsawh an rak si hlei tung hna lo, kha policy le mumai buar kha zeihmanh a rak tihlo mi minung phundang deuh hrimhtim khi an si ko tiah ka hmuh. An tuanbia a tha lo cu sullam cu anmah an thalo ti khi asi ko, Miphun party kan tanhtuk nakah Miphun hrawktu hna kha hruaitu ah kan ser sual hna lai ti phan a um ngai ngai.

Bia funnak tuhnu term khat hi NLD nih kan hruai ta hna sehlaw zei a sualtuk nak a um hraw hnga maw? Kan tlai tuknak a um hnga maw? Kan pa Lian Hmung Sakhong zong nih tu hnu voikhat ahcun a tha dih ko lai tiah zumhnak ka ngei tiah a chim ko kha kantheih dih ko lai dah, cucu mifim biachim ahcun a fiang ngai ko ka ti. Phunghram zong cu i remh ta phot sehlaw a tha lo maw? NLD a tanhmi hna zong nih miphun party an huat cu asi hrimhrim lai lo, a caan asi deuh rih lo tiah an ruah ca ah a si ko hnga lo maw? Kum cu vislte kan hngah mi cu kan phak lai te ah kan thlau sual lai ti phan a um ngai. 2025 khi a tha bik bak asi ka ti.

Cred: Van Ceu

 127 total views,  2 views today

This function has been disabled for Chin 11 News.