1. Ral tei le him na duh ahcun na konglam kha aho sin hmanh ah chim hlah! 2. Ral lio ah na ral bik cu nangmah lila na si ti kha philh fawn hlah! 3. Thil a can hnu ah “sorry” na ti mi nih na ralkap le na mizapi nunnak a khamh kho ti lai lo.
4. Chin Media hna nih miphun a tanh mi media si i zuam rih u. Ram a fel tik tu ah tanh mi ngeilo media in nan kalpi te ko lai…THT
Relchap:Dohthlen nak ding caah a hlu ngah mi rubi phaisa 251000 cu hlasakthiam David Lai nih a hlut, cun hlasakthiam Sawng Oo Hlaing nih fundraising caah hlasak nak in dollar 80000 hrawng a hmuh
Tulio ralhrang uk duhlo dohnak ding caah a herhmi phaisa cu Kawlram hlasak thiam hna chung in David Lai le Sawng Oo Hlaing nih an thiamnak hmang in mipi caah kawlhawl nak an tuah.
Tlangcung mi Chin hlasak thiam pakhat simi David Lai cu dohthlennak ding caah timh in, amah thiamnak le zuamnak in a hlu kawlnak in a hmuhmi, India phaisa rubi 251000(kawlram phaisa in Ting- 55 luan)cu September 12, ah Chin mipi vengtu ralkap (CDF-Mara) sinah a pek tiah theih a si.
Cun Kawlram chungah caansau pi hlasak le hlatial ah minthang mi Sawng Oo Hlaing cu American khualipi si mi New York City ah September 12 ah, hla fung (30) in mipi hna sinah hlasak nak a ngeih hnu ah dothlennak ding caah a hlu a hmuhmi phaisa cu dollar 80000 hrawng a hmuh khawh tiah theih a si.
Cuka hmun hlasak nak le mipi nuamhter nak hmun ahcun Daw Aung San Su Kyi zuk thai mi cawtu zuamcawhnak he dollar 7000 in zuar khawh a si leng ah,a tingtang zong cawtu zuamcawhnak he dollar 7000 ina zuarkhawh.Cun a thiamnak ruangah laksawng dang ten a hmuh mi dollar 10000 zong dothlennak ding a hlu hmuhmi chung ah a telh chih caah , dothlennak ding caah a hmuh mi dihlak hi dollar 80000 hrawng a si tiah a mah a Facebook account ah fiang te in a langhter.
Leave a Reply