CNF nih AA Hi A Bawmh Lehlam Awk Hmanh A Si

Chin mi cheukhat zeiruat huaha lo pawl, zantim ah zeihmu tung loin a bo mi uico pakhat ruangah khua uico dihlak an bo bantuk in online in a bo sawhsawh pawl nih CNA nih Palewa um AA an doh hna awk a si tiah an au.

AA le CNA nih an dohmi cu kawl ralkap veve an si caah an dohmi aa khat, an pahnih in mah te uknak a hal veve mi an si caah an i tinhmi zong aa khat, an dohmi zong kawl ralkap veve an si, aa khat. Thil kal ning ngaingai ahcun CNA nih caan tha ah i laak in AA sinah an ralkap thlah zau in hmunkhat ah kawl ralkap doh hmanh va bawmh lehlam ding khi a si.

AA upa pawl nih zei tik hmanh ah Palewa cu kan ram a si, kan laak lai tiah voikhat hmanh an chim bal rih lo. AA nih an chim nan ti hmanh ah zeithei lo an ralkap sawhsawh pawl an si lai men lai (public in an chim ballo, anmah lawng han cun thei hlah). AA nih an chim zungzal mi cu Palewa cu Mizoram naih a si caah an ralkap chuahluhnak ca ah hmanhhma biapi a si ruangah kan um chungnak a si tiah an ti peng. Kan ta a si tiah an chim bal rih lo.

KIO hmanh nih AA, kachin ram i thawlnaknak in kawl ralkap doh inn tu an i thim deuh ( Ka chin update news interview). “AA nan thawl hna lo ahcun KIA Head Quarter kan kah lai” tiah kawl ralkap nih an ti len hna nain an thawl duh nemmam hna lo. KIA cu Chin mi dawti zong an si ve. Nihin ni tiangah CNA ralkap tampi KIA sinah training a kai cuahmah mi an um rih. A tu ah CNA nih AA cu do taktak hna sehlaw KIA nih zei tin dah Chin mi an kan hmuh lai.? Chin mi an kan huat ning hi a maak lai. KIA lawng hlah tlangcungmi poh poh nih an kan huat dih lai.

Raltuk lio ahcun a tu bantuk in thil a can hi a phung a si ko. Kanmah CNA lila hmanh nih cun pei ral an rak doh lio ahcun hnahnawhnak cu an rak kan pek ve ko cu. AA nih an pupa ram laak than dingah heh tiah an i zuam cuahmah lio a si caah theihthiam ve ding khi an si. A ngaingai ahcun AA kut in siloin kawl ralkap kut in dahkaw Palewa kan Unau zong cu an thih deuh ko cuh.

CNA nih cun nan chim bantuk cun va doh taktak hna sehlaw, Rakhine le Chin miphun kar ah miphun i huatnak a chuak lai, Chin mi refugee kan tam chin lai, a tu nak a let in mi sawhsawh a thimi kan tam lai, phaisa tampi a dih lai (ral doh cu phaisa a dih tuk) cun an tei fawn hna lai lo, cun Palewa in an chuak hlei naisai fawn lai lo. Asiah zei dah kan miatnak a um kun lai?. Bia hi ka kaa a awng aipat tiin chim sawhsawh ding a si lo. What will happen if i do? What are gonna be affected ? What will be the outcome of it? ti pawl kha ruah le tuah hmasa an hau rua tiah ka ruah.

Laknak: Ruah Len Awk Tlak News

 236 total views,  1 views today

This function has been disabled for Chin 11 News.