CNF Kan Pa Le Nih CBCUSA Riantuantu Hna An Headquarters Ah An Va Leng Hna

CNF Nih CBCUSA An Headquarters Ah An Va Leeng Hna
====================

US caan January 5 ah CNF upa cheukhat CNF GS Pu Thla Hei hruainak in dohthlennak ah dirkamhtu CBCUSA an headquarters ah kan va leng kho tiah Pu Daniel Sakhong nih a Facebook cahmai ah a tar.

”A tu lio kan Chin Miphun nih ral kan doh lio ah kan Chin Khrihfabu cio in siseh, kan miphun pumpak pakhat cio in siseh, CNF he naih chinchin le i daw chinchin in rian ṭuan a herhning le zeitin dah ṭhawng chinchin in rian kan ṭuan ṭi lai timi kan i ruah,” tiah a langh ter.

”CBCUSA hruaitu pawl nih ruahnak ṭhaṭha nan kan peknak le CNF ca thla nan kan cam piakmi cung ah kan i lawm. Dawtnak le hawikawm taktak sinak mithmai he nan kan donmi kan hmuhmi hrimhrim a hlei in kan i lawm.
2023 ah a rak um bal lo mi thil ṭha tampi kan Miphun nih kan tuah lai, Pathian kan pa nih kan umpi hram ko seh!” tiah a lunglawmhnak zong a langh ter.
Photo crd: Daniel Sakhong

Theihtlei Relchap>>>>>Bia Fim
*******
⚖Dinnak cu lenglei in a rami a si lo; chunglei daihnak in a rami a si. (Barbara Hall)
⚖Hakkauhnak hi dinlonak a sertu le a ṭhawntertu a si. (Julian Casablancas)
⚖Na dinfelnak nih hawikom tampi aan pe lo men lai nain, naa tlakmi hawikom cu aan pek ko lai. (John Lennon)

⚖Ding te le felfai te i nun hi lunglawmhnak hrampi a si. (Dalai Lama)
⚖Ralṭhatnak hi dinnak nih a umpi lo ahcun man a ngei lo. Mi vialte hi ding dih usilaw, ralṭhat hmanh a herh hnga lo. (Agesilaus the Second)
Ref: Nun Chim Bia Fim

Be the first to comment

Leave a Reply

Your email address will not be published.


*