CNF/CNA Kan Pu Lian Sakhong Cu A Rak Men Bak Lo Hih!!

Tutan kan pu le pawl an cawngcangh cu an mak ngai ko rua hih! Biatak tein meithal kah hna an cawng cang! Tutan cu kan pu le pawl meithal kah an i zuam nak ah hin, Meithal a tlai bellomi Pu Lian Sakong nh a tei viar ko hna hih! Amah Pu Lian Sakong nih a timeline ah a van langhter.

Amah nih a van tialmi cu “Camp Victoria: Meithal kah kan ni zuam i, ka tei dih hna. Pistol kut hnih thleih in ka kah mi alai macer ah ka khen (point 25). Kut khat in ka kah mi point 15. Meithal sau bawh bu point 18; dir bu in point 20. Kan Ralbawizik (CS) le GS le AGS zong ka tei dih hna. Meithal atawng bal lo mi tiah an ka neh sawh pah tawn mi, atu cu CNF/CNA ah meithal kah athiam bik ti ka si cang” (19-Nov-2020) tiah a ti.

Relchap dingmi: CNLD nih tukum ah teinak kan hmuh lo caah Party dirhmun cuanh thannak tha tein kan tuah. Kum 5 chung kan cawlcang, biatak tein tlang kan au ve nain teinak kan hmuh pi khawh hna lo ruangah Hruaitu Lutlai thlen nawnnak kan tuah men lai tiah Salai Ceu Bik thawng nih a chim.

Hi thlennawnnak kan i timhmi hi vawlei cung ramkhel dirhmun in an kal pi mi a si ko. USA ramkhel boruak zong cu hi ti bantuk hin an kal pi tawn ko. Cucaah teinak kan hmuh pi khawh hna lo caah thlennak tuah kan timh zong hi a si tiah a chim hi a si.

CNLD hi minung ah hram a thla mi kan si lo. Mi tampi nih Luthum hruaimi an kan ti , Luthum nih a hruai mi le Luthum ah biachahnak a tuahmi kan si lo. CNLD cu policy ah ram a thlami kan si.

Tahchunhnak ah NLD hna cu minung pakhat nih dirhmi , minung ah hram a sihmi an si. A sinain CNLD cu kan si ve lo. Cu caah thlennak kan tuah lai i, a ralaimi caan ahcun mithar nih an hruai cang ko lai. Party conference kan auh lai, cun khuate, khuapi tiah a dotdot in thimnak, hruaitu i siamremhnak kan tuah lai.

Keimah GS siseh, President zong a thar an kai ko lai, hi ti ka chim tikah CNLD in kan chuak lai tinak a si lo. Rian an kan peknak poh ah kan tuan lai i, thih tiang Miphun caah kan tuan ko lai tiah a chim fawn.

Salai Ceu Bik Thawng nih thlennak kan tuah lai a ti tikah PU No Than Kap, Pu Zo Zam, Salai David Ngaisak le A mah Salai Ceu Bik Thawng hna hi CNLD in an i din cang lai tinak a si lo. Cun Kan tuan huam ti lo tinak zong a si fawn lo. CNLD cu minungah hram a sih mi kan si lo pumpak ah kan dir lo i, Policy ah a dirmi kan si caah mithar nih an hruai ve awk a si. Kan mah pawl zong rian an kan pek nak poh in kan cawlcang ve rih ko lai a ti duhnak a si. Credit: VOM