CNF/A Ralkap Cu Mizoram Lei Ah An Til Cang Timi Thawngpang Hi A Dik Lo!

Suitingtla timi nih CNF/A ralkap kong online ah a tarmi thawngpang hi a dik lo taktakmi a si. Ram le miphun caah a tuanmi CNA/F kong hna cu thawngpang fiang tein hlat hnu ah mah bantuk thawngpang hi tial phung a si. A taktak ti locun ram caah rian a tuanmi CNA/F upat lo zong a si.

Keimah zong mah thawngpang hi, a dik maw dik lo tiah thawngpang ka hlat colh! Aizawl ah upa riantuantu phone in ka chonh hna! Hi thawngpang hi online ah an tar i zeitindah si, a dik maw tiah tha tein ka hal!

CNF chungah riantuantu pakhat nih cu bantuk thawngpang cu kanmah zong nih kan theih tung lo. A tu Ralkap nih uknak an lak mi kongah a herhmi tete cu kan tuan cuahmah ko. Keimah zong a tu hi Mizoram Aizawl in CNA/F camp ah kal lio a si. Mah thawngpang nan theihmi cu a dik lomi si tha tein a chim.

CNA/F Kongah relchih bak dingmi: Online FB cahmai ah na duh ning poh in catial le biachm hi rak i sum cang! Tutan Kawl ralkap nih uknak an lakmi kongah tlangcung mi hna hi, dai tein an um sawhsawh lo ti hi fiang tein rak thei! A tu ahhin chun zan in dah kaw, khua an ruat cuh! Zei hi dah kan ram caah a tha bik lai tiah a lam kip in an cawlcang cuahmah cang. Tlangcung mi hna le a bik in CNA/F kan pa le hna nih a lam kip in rian an tuanmi hi FB Cahmai ahcun zei tik chan hmanh ah report an pe lai lo. FB cahmai hi an riantuannak report peknak hmun zong a si lo. Kan ram caah kum 30 lengkai rian a tuanmi kan pa le hna hi, na ruahnak sawhawh in FB an rak soisel ti hlah!

Thil na theih lomi cu chim lo tein rak um cang tiah zaangfah kan nawl. Kan ram kongah hin it pah men, Computer hmai hei thut men, Phone hei dek pah men in na duhmi poh rak tial ti hlah! An riantuannak theih le hngalh na duh taktak ahcun ram caah a tuanmi hna chungah rak lut ve law, na fiang ko lai. Atu kan ram caah rawlei chung pil lo le zan mitkut cim loin rian an tuan ti hi rak thei law, upatnak rak pe cang hna! Crd: Cungpi

Atutan ah CNF/A kongchiat achim ngam mi le asoisel ngam mi hi cu, nansi kho deuh hrimhrim lo. nan palh tuk kanmah nakin an mah nih can biapi anthei deuh lai. Bukhat le hriamtlai pakhat asi ve ko mi nih cun, atutan ah an um sawhsawh hrimhrim lailo , timhnak le ruahnak le tawnak le ready tein an um ve hrimhrim kolai ticu kanthei lo hman ah kan zumh awk hrimhrim hna ansi. Meithal puak le vak khi ma thawn ah nanruah asi lo, nan palh tuk asoisel tu si loin a bochantu atanh tu si ko hna uhsih . Crd: Seth Van Ceu Thang