CNF/A Le Arakhan Army (AA) Karlak Thil Umtu Ning Cu A Fiang Ngai Ko Cang

AA le CNF/A ipehtlaihnak a tha maw/lo ti cu fiang tein ka thei lo. Nain research ka tuahnak in ka chim khawh mi cu media pawl ah an tialning bantuk cun thinphang ding asi lo.

NCA atlamtling lo ahcun AA le CNF/A khi hawikom tha an si kho ko. A zungzal ral a um lo, a zungzal hawikom zong a um lo timi bia khi a caan tampi ah a hman tawn.

A ngaingai ti ahcun Kawl ralkap nih AA le CNF/A an ifonh ding khi a phang ngaimi a si kho. A ruang cu an ifonh tak i ral an tuk ti ahcun Kawlram i nitlaklei khi Kawlram i Wa le Kachin pawl umnak ramri bantuk ah a chuah kho ve. Cun AA khi Kawl ralkap nak cun CNF/A caah hawikom tha, zumhawktlak le biaruah fawi deuh an si ko hnga lo maw? Abiapi ngaimi thinlung muru cu Kawl uknak tangah a temti ingti miphun hawi an rak si vemi nih khin itheihthiamnak le zawnruah khawh nak tampi a ngeihter khawh hna.

Akarlakah ral a tuk bal lomi le ralkap training zong a kai bal lomi hna nih CNF/A i ralkap kongkau biakhiahnak pawl ah an influence tuk hna lo ah a tha.CNA/F khi Kawl ralkap he maw/ AA he maw ral ituk tak hna sehlaw atu CNA/F le AA ikah dingin a nam tawnmi pawl khi ramtang ah raltuk an ngamh ding le ramtang ah an luh huam dingin ka zum lo. Ruahsur caan ah an tlau i, ni a tlang caan ah kuttum he a rak chuah tawn pawl cu hriamnam tlaihin dothlennak tuahnak ahcun a zumh zumh ding an si lo.

Cun, Pu Zing Cung zong nih CNA/F ralkap training a kai bal lomi pawl nih raltuk le tuk lo kongah an influence tuk ding cu a duh ding ka zum lo.

Catialtu: Salai Z T LianĀ 

 184 total views,  1 views today

This function has been disabled for Chin 11 News.