CNF/A Kongah! Ralkap Order Cu Nunnak Thap Lawng Ah Al Khawh A Si.

Camp Victoria ah ralkap an luh ding khi CNF nih an duh lo bikmi a si lai, nain ralkap order cu nunnak thap lawng ah al khawh a si, hmurka sawh2 in al khawh a si lo.

Thisen a luan ding an duh lo caah an ihnak khan tiang hramhram in ralkap an lut an hmuh ko nain an thin an i sum. An lungthin ah cun an celh ve lai lo dakaw, nain ralkap thazaang an i thlau tuk cu ta. Nunnak pek a phu maw timi tuaktan hmasa pei a hau cu. Credit: Salai Lungthli Tum

CNF Kong Ah Hmuh Ning Dang Pakhat Relchih Ding: CNF le Kawl ralkap biaruah cu kan chaithiam lo ngaingai. Nain nan i tong fam cang cu teh. Zeiti ṭha. Nan i hal mi tu pasal an biakam tlinh ve hna seh. Kan mipi an tlaih mi hna hi a rannak in thlah hna sehlaw, khuapi khuate ah dai tein lam kan zawh mi hi hnahnawhnak kan pe hna hlah seh.

Kan sianghleiruun ah um hna hlah seh. Bia dawh lo a lo hnga. An ekcar hmanh hmuh kan duh lo. Hmailei ah cun kan miphun ralkap, kan ramkulh ralkap nih Rungtlang in kan khualipi kilven ding zong chunmang kan man lai.

CNF hi kan dawt. Kan zohthla. Lamkal ai palh sual lai tiah heh kan siik le kan cak, kan bawmh awk a si. Kan miphun he ai ṭhen kho lomi an si. A huat bel kan huat thai awk a si lo. Cun, online cung lawng in heh maw tiah CNF doh/den ding a si lo. A neem tuk sual lai, a lawdor tuk sual lai tihi kan phan tuk ding a si. Kan duhfahnak kan theihpiak hram uh.

Cun, Kawl ralkap nih zurit bu luklak le chawnh awk ṭha loin kan miphun hriamtlai an ton hna timi thawng a chuak. An kan nehsawh le zei an kan rel lo khi a si. Ralkap cu dingrep ngei ding an si. Order ningin a kal mi an si. Cu kong ka ruah ah ka thin hi a ka khen! Credit: Salai