CNDF Ralbawizik Peter Thang Nih CNA/F Ah A Duh Mi Poh Lut Uh Ca, A Hohmanh Nih Kan In Kham Hna Lo, CNA/F Ah Kan Nih Cu Lut Tlak Ah Kan Ruat Lo I Kan Lut Lo A Ti

CNA/CNF duhtu cun mahten lut men ding, zohman kan lo kham lo. Mahhmuah lut duh si lo, midang lut lo hmuah relsia ciamco.

CNO/CNDF cu CNF/CNA do ding ih din mi a si lo, tu hrih tiang cu SAC lo bak do tlak le do tul khal ah kan ruat lo. CNF/CNA cu kan hrangah Lut ding tlak ih kan ruat lo ruangah kan lut lo mi a si. Nan nih khal in CNO/CNDF hi lut ding tlak ah in ruat lo ruangah nan ra lut lo, a pawi cuang lo. Asinan
Hitluk CNA uar tla cu ziangah CDF nan ti aw duh rero, CNA ah direct lut law law ko uh la.

Maw, CNA direct lut ding ah na tling lo tuk in nan ruat aw lam saw?
Hualngoram CDF အဖွဲ့သည် CNA ၏ ကျေးဇူးနဲ့ စေတနာကို နားလည်သဘောပေါက်၍ အမြင်မှန်ရသွားသဖြင့် CNA အဖြစ်ပြောင်းလဲခံယူပွဲကို လက်ခုပ်တီးပြီးတော့ကို ဂုဏ်ပြုပေးမှာ။ မကန့်ကွက်ဘူး စိတ်ချ။


MITCAW KHAWPI TUANBIA
LE
THLALANG PHUN 4
B LAL LIAN THANG
The Country of the Blind timi Herberd George Wells i tialmi Mitcaw khawpi tuanbia hi minung fimnak i cawnpiaktu tha pakhat a si tiah mifim hna nih an tial i hi tuanbia hin cawng ve hnik u sih.

Herberd George Wells i a tialmi ah cun, kan hnulei kum 400 hrawngah khan, mit fak rai a rak um i, khawpi pakhat cu an mit a rak caw dih. Cu mitcaw khawpiah cun mitdeimi tlangval Nunez timi cu a va phan. Cuti cun khawhmu kho a si caah mitcaw pawl nih cun an khuabawiah an ka duh lai ti ruatin cu khuaah cun a câm ringring.

Thil tha le aa dawhmi phunphun hmu kho lo pawl sinah cun, Pathian thil siam dawh ning pangpar, Arfi le Thlapa le vulei cung thil ummi an i dawh ning hna cu hehmaw tiah cun a chimh hna. Sihmanhsehlaw cu bantuk bia a chimh tam deuh hna le a tha khochung i chimh fiang a timh hna zongah mitcaw pawl nih cun amah lehlam kha thluak lei chambaumi ah an rak ruah: cu chapbeiah mitfim tlangval Nunez nih cun, mitcaw pawl i lunghrinh awk in, mitcaw nungak Medina Sarote mui dawh ngaingai mi cu ai duh tuk fawn.

A si nain mitcaw hna nih cun an nungak nu cu a ham chim loin mitfim tlangval cu an hnihsawh lehlam. Zei caah tiah cun, cutluk i nungak dawhmi zong cu mitcaw rai neimi a si ve i a aw thâm chilchial tein muichia a si ve tiin an hei ruah men ko. Mitcaw hna nih cun chun hi khawlum cân an ti i, zân hi khawsih cân an ti caah , chunah an it i zânah rian an tuan ti a si.

Mitcaw khawpi i a kan cawnpiak duhmi cu zeidah a si tiah cun, hmuhmi le theihmi tlawm deuh hna nih cun, a tu i an hmuhmi le an tongh khawhmi anmah konglam lawng an i ruat kho i, an i hnamhnaw ti a si. Cu hleiah hmuhnak tlawm hna nih cun, an duh ning le an lungthin i a chuakmi poh kha an tuah colh tawn hna. Hmailei cân i a phan dingmi an ruat phan kho ti lo i, thuk le kau deuh i khurkhua ruahnak an nei kho ti lo.

Hmuhmi le theihnak a tlawm dauhmi hna nih cun, kan i chirte sual hnga maw tiin hmailei cân i a va chuak kho te dingmi thil kha an ruat pha ti lo. thuk piin khurkhua an ruah khawh lo caah biakhiahnak tuah ning zong an thiam ti lo i, an nunnak lehlam nih a tuar tawn ti a si. Cucaah theihnak tlawm hna i an i bihnak ding thlalang thabik cu theihnak lei i a pitlingmi hna hi i zohchun hna u sih ti hi a si.

Thlalang pakhatnak, Mi â deuh hna nih cun thlalang pakhat lawng an neih i, cu ah cun an mui le an hnipuan lawng kha an hmuh i an i zâ tawn.
Thlalang pahnihnak, Mifim nih cun thlalang pahnih an nei, pakhat cu, anmah hnak i kum upa hna nun kha an i zohchun i, cu nih cun, hmailei cân i an nuncan khawsak ning ding hna cu fàkpi in a rak cawnpiak hna.

Thlalang pathumnak, Mifim hna i thlalang pathumnak cu, ruakkuang hi a si. Ni nikhatah cun ruakkuang chungah hin ka phan ve te lai ti kha an i theih cia. Cucaah A minung hawi hna sin i puar le hngal i um ai timh tikah a thlalang pahnih nih hin keh le vorh in anveng i ziaza thatnak lam kha an hmuhsak tawn. Cucaah mi an cah cuahmah lio teah khin a si khawhah cun a dawmhtlaitu va si law, cu lioah cun hi ti hin va ruat, meidil ah maw vanramah thla a kal hnga tiin va ruat loin, Ni nikhat cu hibantuk hin ka um ve te lai tiin khua va ruat deuh.

Thlalang palinak, Thlalang palinak nih cun, midang hi kan thlalangah hmang cio hna usih tinak a si. Kan Bawipa Jesuh zong nih khan, mi dang nih zeitindah an ka hmuh tiin le nannih nih tah zeitindah nan ka hmuh tiah a zultu hna kha a rak hal hna. Jesuhnih cun, amah lei tang hna i an hmuh ning lawng si loin, a dohtu hna lei i an hmuhning zong kha a hal chih hna. Zei caah tiah cun, kan sinak taktak hi a kan dotu hna nih dik tein an chim deuh tinak a si.

Philosopher Scientist Ray Kurzweil hna nih cun, thih khawh ti lonak hi hmuh khawh an i zum ai, tar khawh lonak *Shangrila* zong James Hilton tepawl hna nih cun vulei cung mi hi capo an kan saipi sikawh. Zunghnam phunkhat Caicim hmangin chan sau deuhternak an hmuhchuah ko nän, kan chan lawng sau seh law, kan mit le kan haa hna nih hin an kan nguh hlei hnga maw?
Zeiti tuahin tuah hna hmanhsehlaw, ruak kuang phen i nunnak le tar khawh lonak biathli cu, an thei kho hlei bal lai lo. Cucaah hi kan nunnak biadik hi zeiti leikam in dah kan rak cohlanawk a si hnga timi hi fimnak thlalang a phunphun hmang in cawng cio hna usih.

Miphunpi kan timi Tuluk nih cun, thlalang phunthum neih a herh an ti i, pakhatnak cu mah le mah i zohnak thlalang, pahnihnak cu,mi dang i an rak kan hmuhning bantuk i mah le mah i hmuh, pathumnak ah cun biadik hmuh khawhnak thlalang neih hrimhrim ding ti a si.

Be the first to comment

Leave a Reply

Your email address will not be published.


*