Democracy le Federal Dohthlennak Ah Fascists Asi Mi Hna
Mr. Peter Thang, CNO / CNDF Hruaitu hna le CDF Luban Uktu Tampi, MPs tampi le Party Lutlai hna tampi cu Federal Dohthlennak kan tuah lio asi an ti cuahmah lioah Fascists ah an I chuahsiam dih.
Democracy in kal zong an thiam lo. Democracy cu Mipi duhning in uk, Mipi duhnak 100% zulh ti asi nain, anmah duhmi le an Policy lawngin mipi an uknak I Biaceihnak ah anmah duhning in Policy an hman caah Fascism tuin an kalpi tu ansi cang.
Federal ram he an I hlat tuk I Democracy in an tlau. Mipi duhnak cu adik le diklo, ahman le hmanlo tuak hlahuh zulhmai uh tihi Democracy cu asi.
Zeitintiah CNDF Le CDF uknak a celh lomi, a duh lomi le Bawmhnak phaisa in a rum mi MPs le Party Upa hna a fih bakmi hna hi relcawk lo ansi cang.
CNF nih Lakhruak Cozah tuah dingmi a cohlan lotu CNDF CDFs MPs le Kawl Party Lutlai hna nih Ralkap nih ukmi kan duh lo caah kan doh mi asi. MAL Rallokap he aa lawh mi CNF le an nau le CDFs hna tiah nan ti.
A ciocio ah aa lawh lo / aikhat lo timi hi an I hngalh ter lo. MAL, USDP le SAC cu Amah nih mipi zungzal uk awkah Uknak an lak.
Ralhrang kip kut in Uknak chut in Mipi sinah pek awkah Nunnak le thisen pekin ral ado mi CNF asi.
MAL te cu UN le Vawleipi nih Ralhrang anti hna. MAL te dohtu CNA cu UN le Vawleipi, NUG nih Mipi caah Raldoh tu an ti hna, Phuntungtu an ti hna I nannih bangin Ralhrang an ti ve lo.
Nan upat tuk I Kum 2 tlinnak ah nan sawmmi AA Gen. TMN cu CDM tuah hlah uh, PDF um hlah seh, Sianginn kai ko uh a ti,
NUG he MAL cu doh awk asi lo a ti nain Rakhine mipi nih MAH bantuk Ralhrang anti ballo.
MAL he an I hawikom lo bantukin NUG he hawikom ansi ve lo.
AA caah NLD Suu Ci le NUG cu sullam a ngeih lomi ansi.
Nan kaa chuak tawn bia bang sisehlaw, AA Gen TMN cu Dalaan Mangtara asi hnga I CNDF kum 2nk tlinnak ah nansawm ve hnga lo.
CNDF Puai ah NUG Vuanci hna he aa ruang in AA Gen cu an ṭhu ṭi i can ahman hnga lo.
NUG Hawikom asimi CNDF le CDF PDF nan si ko ahcun NUG EAOs um chunte CNF cu nan sawm hrim ding asi.
NUG hawikom lo AA tu sawm in NUG hawikom CNF tu hlawtin a thangchiat cu nan I palh ko dakaw.
AA cu NUG he Ralhrang andoh ve lo. CDM PDF Sianginn kailo timi a cohlan lotu AA ansi ko nain Rakhine mipi nih an bochan bak I an zumh fawn.
Rakhine MPs le Party Hruaitu hna nih AA hnu tu an zulh.
Aruang cu Rakhitṭah lamthluan Policy in an kalpi hna caah asi.
MAL he raldohnak an ngei lo nain Uknak Upadi Biaceihnak vialte cu Rakhine phung ningin AA hruainak in an tuah ter dih hna.
Anmah AA nih Direct in an uk hna lo. MPs Party Upa hna le Mifimthiam hna kha an hman hna.
AA duh ning le AA Upadi ningin siloin cunglei langhtermi Upa hna fimnak le khuakhan Lairelnak in Rakhine cu AA nih an hruai hna caah Mipi nih an bochan.
Pau Dohthlennak ah Chin Cozah Siamtu ah Conveners cu CNF asi awk asi tiah NUG le Chin Upa, Mifimthiam hna nih an ti tikah a cohlan lomi CNDF le CDF PDF nan um mi hi khuaruahhar lehlam khi asi ko.
AA cu Rakhitṭah lamthluan le Policy ruangah Rakhine mipi nih Rakhine cozah siam awkah an fial I an dirkam.
MAL nih a ti ngam ti hna lo. SAC ukmi nakin AA ukmi an tam deuh.
MAL ukmi khuabawi hna an I phuah dih caah MAH nih Rakhine ram a uk khawh ti lo.
Kanmah bangin Nifatin ralhrang an doh lo AA le Rakhine mipi nih. Kannih Nifatin raldoh mi chinchin nih Chin Ralkap nih Cozah siam awk uh ti awk khi kansi ee.
CNF cu Federal Self Determination Tlukruannak policy an kan kalpi I Dohthlennak tuahtu ansi.
Pinlong ningin asimi Policy asi. Chinram Zalennak caah asi.
CNF nih cozah an siam ahcun anmah CNF nih an kan uk lailo.
Annih cu Conveners an si lai. MPs, NLD Party Upa le Tamada / PM a ṭuan khawh dingmi William Chin le Peter Thang te nih Chinland nan uk lai cu tah. Nan pu Gen TMN sinah nan cawn pah lo maw?
AA Gen TMN cu NUG Charter le FCDCC zong a hman lemlo. NUG nih Suai ding mi Federal Phunghrampi le Lakhruak Federal Phunghrampi zong a hngak lo.
Uknak Upadi le Biaceihnak phun thum in Rakhine ram cu direct a kalpi.
Ngandamnak fimcawnnak le Ngunkhuai tiang an pek ter hna.
SAC an kaltak I AA sin lawngah an um dih.
Cutin si aw ah CNF nih an kan hruai hnik mi cu asi. Anmah CNF upa sinak caah asilo.
CNDF le a hawi le nih CNF nih convener si ding mi Chin cozah ah nan I tel duh lomi hi Chauvinism timi Miphun thleidannak nan ngeih caah asi.
Kawl nih Chauvinism an ngeih mi duh lo tuk ṭung I Ngawn, Hualngo, Zanniat, Hlawnceu, Sim, tbk ah CNDF nih Chauvinism ngei lala cu Democracy asi lo. Federal chinchin nan I hlat tuk. Fascists tu nan si dueh cang.
Cucaah Federal Dohthlennak tuahtu Fascists hna kan ti hna.
CNDF lawng asilo. CNF nih hruaimi Chin Cozah ah aa tel duh lomi CDF PDF vialte cu Federal Ralkapbu nansi lo. Fascists Japan Ralkap nansi.
Fascism hna hi an miphun le an ram an dawt tuk ruangah aa thawk mi ansi.
Miphun le ram kan dawt ning kha Nuhrin covo, UN Charter, International law, Geneva Convention, Democracy, Majority rule, Minority Rights, Tlukruannak in break kan tlaih lo i Chakhri tlailo tikah Kankal sual cikcek cang caah Fascism ah kan I chuah ko.
CNDF le CDFs tampi cu Federal Ralkap tu siloin Fascists A sit ah kan I chuak dih ko. Apoi bak nan ti cio maw. Sim Ramcar ah kum 40 tlau nan kan tlau pi te lai.
Chin Huap in hmuh loin, Mah le Pengkulh Falam lawng hmuh, Mah Pengtlang lawng hmuh cu Federal asi lo I Democracy zong asi lo. Fascist asi ko.
AA nih Rakhine ah Rakhitṭah in an hlawhtlin mi vial duh ngai in thangṭhat ṭung I AA nakin a mah dueh mi Federal cozah in an kan kalpi tu ding CNF duh lo tibantuk cu tlau asi lo ah zeidah asi.
Federal caah Dohthlennak tuah loin ei awk le rian nan ngeih lo caah Ramdang bawmh nak in Pawcawm nan I timh ve cu si lai lo dah.
Laimi kan cem ti cu CNDF le CDF cheukhat nih nan tlin ter bak ko.Crd.. Joseph R. Thang
Leave a Reply