CNA Ralkap Le CDF Kong Hmanh Ah Kan Buai Cang

CNA Ralkap Le CDF Kong Hmanh Ah Kan Buai Cang

Miphun hawi le hna,
Tulio CNA le CBCUSA CDF-Supporting team kongah social media ah biataldohnak kan tuah tukmi hi miphun caah a thami nakin thilpoi lei a chuak kho deuh lai ti ka zumh e!

Tahchunnak ah CBCUSA paoh hi a palhmi an si lai lo caah minung pahnih khat palh ruangah an phu min chim loin a minchiattu minung i nan theihmi kha ab min bak in tawng ko hna ulaw a tha bik lai ka ti e.

Culo ahcun zei sual lo zong nan mawhphurh viar bantuk asi hnha. CBCUSA cu miphun caah kan herhmi le bochan bikmi an si caah hmailei kal chin vima ding caah thil hi ai phundang sual lai phan a um ngai. A buu min si loin pumpak bakin kan theimi hna an si ahcun CBCUSA asi pek, CNA le CDF asi pet ah tongh hna ding an si ko tiah ka ruah.

CNA le CDF kong zong hi kan buai chin lengmang mi a lo cang Online ah. Hi zong hi kei ka hmuh ning ahcun athattuk ko nain ramdang lutlai uar pawl nih a kan hrawh deuh caah asi pah tiah ka ruah. CNA le CDF cu ai khat bantuk in ka ruah.

CDF cu mipi vengtu (militia) an si i CNA cu National Army an si tiin kei cu ka pom. Cucaah CDF hi thazaang kan pek ve hna cu an herh bak, asinain CNA he tahchun ding cu an si ruam lai lo. The tein khua ruat cio hmanh u CNA dawt cu Lai miphun siloin Chin miphun dawt bak asi khah awh!

Kan lung an si lo nak cu chim bak ve ding, asinain minung pakhat hnih lungtling lo ruangah an phu dihlak in thangchiat lo đing.
CBCUSA, CDF le CNA an si pet ah an tanh bak ding an si.

Asinain an diklonak ahcun cheih ve bak hna ding, diklonak zongah tanh chih peng hi miphun dawt asi lo, thildik lo le thupdiklo lamah miphun a pial cuahmah zongah poi ah chiah lo bia asi deuh.

Cucaah kan ulenau an si pet ah an diklonak ahcun chin thluahmah ding, asinain minung pakhat ruangah an chungkhar dihlak in huat cu mifim lungput asi lai lo khah.
“CNF/A tanh le dirkamh cu miphun dawt le miphun dirkamh asi ti ninglaw kan palh lai lo dah”
Crd.. Chelsae Bawi