CNA Lawng Hi Fek Thup In Dir Hna Seh Law Kan Thazaang A Thawng Deuh Hnga

Lungrual cu teinak hram asi, bak ko. Lungrual ti ah ka ruahmi..
1. Halkha Thantlang peng ahkhin CNA lawng fek tthup in a dir ahcun upat ttihzah awkin a um lai I Matupi an hun ifonh te theotheo hnga. Cucu Jerusalem in ithok uh timi bantuk kha asi ve. “One”

2. Zei e miphun nih an hmuh mi chaw vialte khi CNA ah lut dih sehlaw, hawi cungcuang in an tthawng hnga I pawngkam mi nih an hun fuh hrimhrim hna hnga. Cucu chungkhar aa funtom mi sin lawngah midang kha hun itel an duh. Lungrualnak hram.

3.cuti silo in hmaika hnawm hmenh thianh ta loin banh phak setsai lomi hei banh I thianh timh cu bahnak rilhnak asi.
4. Isreal Canaan an luh ahkhan siangpahrang nei mi miphun dang 7 an rak um. Anmah cu soileem kutriit an tiim hna lo. Hloh cikcek I anmah duh ning tein ram ser an izuam.

5. Kan dirhmun sining nih aho te hmenh a iap kho lo ahcun aho te hmenh Lungrualpi an hau lo. Asi kho fawn lai lo.

Relchap>>>>>CDF-Hualngoram Nih LIANDO Hospital Honnak An Tuah
Chin ramkulh, Hualngoram ah

Hualngoram Peoples Organization CDF-Hualngoram nih tuah mi LIANDO Hospital honnak cu November 12 ah tluang te in an tuah khawh, tiah theih a si.
LIANDO Hospital onnak ah hin HPO/CDF-Hualngoram hruaitu hna le Mizoram Lianpui khua in VC, YMA, MHIP, NGOs hruaitu hna nih an telpi hna i hruaitu hna nih biatawi chimnak an ngeih hna pin ah lawmhpinak ah Rs.5000 an pek hna. LIANDO Hospital honnak a dih hnu in CDF-Hualngoram hriamnam thar a phan mi le mawaw thar an ngeih mi Pathian sin pek chanhnak zong an ngeih chih, tiah theih a si.

LIANDO Hospital hi CDF-Hualngoram vennak in io kam ah hon a si i Mizaw ihkhun 8 le Operations khankhat a um, Mizaw zoh man laak a si lai lo. Mizaw a rak i zohtermi hna tu nih mahle sian tawk cio bawm chung ah chiah khawh a si. LIANDO Hospital hi Hualngoram mipi ca lawng siloin Mizoram lei mipi hna ca zong ah santlai ngai mi a si, tiah CDF-Hualngoram hruaitu pakhat nih cun a chim.
Crd- The Chin Post

Relchap>>>>>SAC Helicopter Nih A Kah Sual Hna Caah SAC Ralkap 69 An Thi
====================
Sagaing ramthen Myiang peng Yesagyo peng aa pehnak ah SAC Helicopter nih anmah SAC ralkap cu a kah sual hna caah 69 an thi tiah theih a si!

November 13, zinglei ah khan misawhsawh thuam i hruk in SAC ralkap rual nih Myiang peng le Yesagyo peng aa pehnak hrawng i khuate cheukhat cu an khangh hna i an kirlei ah tualchung hriamtlai hna he hmaitonh kahdohnak a chuak! Zing 9:30am hrawngah SAC ralkap hna bawmh dingin Mi-35 Helicopter pakhat a ra i misawhsawh thuam aa hrukmi SAC ralkap cu a kah hna tiah tualchung hriamtlaibu CDSOM chimnak nawlngeitu Ko Nway Oo (ကိုနွေဦ:) nih a chim!
Source: Khit Thit Media

Be the first to comment

Leave a Reply

Your email address will not be published.


*