CNA Kachin Ramah An Cawlcanghnak VIDEO A Chuak Cang!

Kachin ram ah a ummi kan ralkap hna an video hun zoh ve hna. Kachin ramkulh ahhin KIA sinah CNA ralkap tampi an um hna. A tu KIA le Kawl ralkap i kahnak zong ahhin biatak tein CNA kan ralkap hna hi an cawlcang i ralkap he an i do ve. Biatak tein thazang a chuak mi an si. A hlan zong ah an video tawi tete rak hmuh pah a si tawn.

Chinmi tampi nih CNA cu um sawh lawng in an um an ti hna i an soisel hna. Kan theih lo ruang ahhin a si. CNA tampi hi Kachin ram ah ral tha taktak in ral an do i ralkap tampi zong an thah hna.

An uniform ah khin CNA tiin um awk a that lo caah KIA tiin an um. KIA min in ral an do cuahmah hna. Cu ruang ah CNA hi thazang pek i bawmh a herh. Uknak chia kha Min Aung Hlaing ralkap pawl cu nifatin in an kah peng ve ko hna.

Kachin le Chin cu unau kan si bantuk in raltuk zong ah ai bawm ding kan si. Nunnak pekmi raltuk zong kan i bawm. Ai dawmi muphun kan si. A lamkip in harnak kan ton can ah ai bawmmi miphun kan si. A tutan Kachin ramkulh buainak zong ah a lamkip in siseh, thlacamnak zong in siseh bawm cio hna usih.

Relchap (Atangbikah Video A um Lai), Min Aung Hlaing cu Online in ASEAN Meeting a kai lai! Minung 700 leng nunnak a thattu MAH hi ram leng a chuah le cangka in tlaih i Vawleicung Biaceihnak ah chuahpi ding a si tiah Global R2P Director nih a rak thanh hnu in MAH nih online in ASEAN meeting kai aa timh hi a si.

MAH nih online in meeting kai aa timh mi cu April 19 ah Indonesia Embassy nih a thanh. ASEAN Meeting cu Indonesia Jakarta, April 24 ah tuah timh a si. ASEAN meeting kai ding in MAH sawm a si mi cu 88 Generation nih, “MAH a sual silhnalh an timh a si. Lainawng pa hi ASEAN meeting ah a thut ve nakding sullam a um lo.

Meeting a kai ruang i mi tam deuh a thah sual ahcun ASEAN nih tuanvo tampi a ngei lai,” tiah an thanh ve. Hi ASEAN meeting ah NUG zong kai khawh ve nakding an i zuam ve. Ref: DVB/DVC

A tang ahhin video in zoh khawh an si.