CDF Nih An Kahmi Ralhrang Drone Cu Bomb A Phor Kho Mi A Si CDF nih an kah mi ralhrang drone cu bomb zong a phorh khawh i,Tuluk sermi drone a si. Chin ramkulh Falam,Hakha le Thantlang peng kar Laikua tidil kam ah ralhrang phu nih a hlei in thawnghlat nak ah an hman mi drone pakhat cu August 11 zaan ah CDF phu nih an kah tiah mipi lei nih thawngzamhnak ah an langhter.
Cu an kah mi drone cu Tuluk ser Mavic Pro Platinum phun a si i, a man hi sing 20 hrawng ($1200-1300) a si. A san hi pee-1640 ,a hlat nak hi meng 5 hrawng tiang a zuang kho mi a si i, 40 bomb zong a phorh khawh, remote control in tinh nak hmun cu tha te in a kah khawh. Cu an kah mi drone cu vedio ,hmanthlak zong 4k tiang zoom tha te in a la kho mi drone a si.
Relchap: Tangka tlap le bank phihkhar ding kong cu a dik lo tiah central bank nih a thanh Tangka 5000 tlap le 10000 tlap hna cu thah a si
lai tiah theih mi kong ah, thawng dik lo a si tiah central bank nih nihin ah cathanh a chuah.
Hi thawngpang kong he pehtlai in tangka tlap thah ding le bank pawl phih khar ding ti mi thawng pang ruang ah tangka chuah a duh mi tampi an um caah , cu thawng kong he pehtlai in a dik lo mi a si tiah central bank nih cathanh a chuah nak hi a si.
“Central Bank dirhmun in, tangka kong ah thawng daiten a um khawh nak ding ah tha te in le ralrin ten riantuan a si,bank lei zong nih rikhiah mi ning ten fek tein le tha te in riantuan nak tuah a si ko ” tiah central bank nih an langhter.
Ralhrang nih nawlngeihnak an lak hnu thla 6 luan ah bank tangka chuah duh tik ah rikhiah piak a um i, July thla dongh lei ahcun cheukhat bank ah tangka chuah khawh nak hna cu chikhat phih chung nak a um, tuahkel tangka chuah mi ca zong ah rikhiah piak a um tiah bank ah kal tawn mi cheukhat nih an chim.
” A hlan cozah chan ahcun zungkhar si zongah ,bank nih a kan tawlrel piak, atu ahcun rikhiah piak mi a tam ngai,tangka chuah zong a har, a tu ah bank zong khar a si lai tiah theih a si caah tangka a har chin cang lai ” tiah Burma Associated Press nih a langhter.TCP
Leave a Reply