Nihin September 10 zinglei ah Gangaw peng, Hnankha khuate pawng ah CNA le Gangaw-PDF i bawm in SAC ralhrang he kahdohnak a chuak i ralhrang 15 an thi, tiah tu zaan ah Gangaw-PDF nih thawng an thanh.
September 9 ah Hnankha khua ah SAC ralhrang an lut i inn 30 hrawng an khangh. Cun, Mintha khua ah PDF chungtel 13 le khuami 4 ralhrang nih an thah hna. “Thah a tongmi Mintha-PDF chungtel pawl ca ah lehrul kan cham khawh. Raldoh a kan bawmtu CNA ralkap minung 10 cung ah kan i lawm tuk,” tiah Gangaw-PDF nih cathanh ah lawmhnak an ttial chih.Nihin zinglei Hnankha khua pawng kahdohnak ah CNA le PDF lei in hliampu/mithi an um lo.The Chin Journal; September 10, Gangaw
Relchap:Gangaw peng nih sualnak ngeilo mipi hna an nunnak liam mi kong ah phuba kan lak lai tiah Tamu PDF(TSG) nih cathanh an chuah
Mipi hna sinah theihternak le ralrinnak cathanh chuah a si hnu ah, Tamu PDF(TSG) phu nih zohfel a si mi motor khal hna ralrinnak pek mi cu nawlngeihnak um lo in, cu hlan bantuk tuahkel in motor thlalang an thlak, muka(မိုးကာ) khuh nak an tuah peng mi cu hmuh a si.
Cucaah mipi hna nih PDF riantuannak bawmh can ah a herhtuk mi a um lo a si ah cun khual tlawn lo ding,motor khalh tik ah a thlalang thlak lo ding, thilphor motor hna nih an thil phorh mi cu muka(မိုးကာ) khuh lo ding tiah nawl zulh ding chuah mi cu tha te in zulh cio ding ah a hnu bik nawlnak in theihternak an langhter.
Cu nawl zulh ding chuah mi hna cu nawlbuar a si ah cun,nawl buar tu motor hna palh in kah a si ahcun tuanvo lak a si lai lo tiah cathanh chuah a si.
Ralhrang phu hna nih theih ding-
Nihin Gangaw thil a cang mi kong ah sualnak ngeilo mipi hna an nunnak a liam mi kong he pehtlai in ralhrang phu hna le an mah he pehtlai mi chungkhar vialte hna cu Tamu PDF(TSG) nih phuba kan hlam lai tiah theihter an si.
Leave a Reply