Chungkhar Zu Din Ruangah Buainak A Tongmi Hna NUPA!

Lawmlawm & Lawmi nih mipi hmuh dingin an pa kong a tialmi cu lung a tha pah lo. A Sinain mipi ruahnak a halmi a si caah, mipi zongnih ruahnak cheu cio ding a si. Bia khiahnak a tuahtu ding cu lawmlawm a si ko caah kan ruahnak chim cu a sual lo. Hi tihin biahram a thok @ Zaangfahnak tein bawmh kan hal ko hna, Kanpa hi zu a rit lo cun mitha le mifel, soisel ding a um bak lo. Mi daidam le mitha tuk a si. A caan ahcun kan chawnhmi fangfang lawng mi a kan leh tawn.

A sinain khuama caan zu a din i, a rit deuh ahhin cun celh ding bak a si lo. A ingai a chia kho tuk, Ka chung le soiselnak lawngte a hmang i, a mi tining hi afak tuk tawn. A rit lo lio i, thinhunnak a si lomi zong khi zu a van rit hnu cun van chim ah soiselnak le huatnak lawng te a chim cang. Hi caan ahhin ka caah tuar a har bak!

Hi bantuk in thil a cang tawn tikah ka caah a har tuk tawn! Zei tin ti ah dah a that bik hnga? Ruahnak van ka cheu cheu cio uh law ka lawmtuk hnga, A tu kan dirhmun cu fa zong kan ngei rih lo tiah a tial. Lung cu a nuam bak lo. Nuva si ko hnu i, zu ruang i chungkhar buai lengmang hi a poi tawn ko!

Minung pakhat nih ruahnak a cheuhmi cu: Fa nan ngeih rih lo caah kir tak ko. Mission rian a si ko na ti cun phundang.. I thenthai ding cu ka ti lo. A sinain a lungfim hlan cu hrem a hau ve. A silocun na retheih caan a sau ching lengmang lai a ti.

Note: Chungkhat Zu rit ruang i buai a hmangmi nih tutan thil kong hi van ruat cio hna seh law! An Lungfimnak tak ah cang hram seh!