Kawl Ralhrang kong kan tial tikah hin micheu khat cu kan lau colh lengmang. Thawngpang kan theihmi hi launak si loin ralrin zia kan thiam deuhnak tu ah sisehlaw a tha tuk hnga?
Chuncung le Ramthlo karlak dum ahhin ralkap sawmnga tluk an um i, khawzei lei kal an i timh ning bel a ho nih theih khawh a si lo. Hi ka hrawng ralkap hi timhtuahmi an hrimhrim ti cu a fiang. (Hmunhma an lak deuh peng tiah theih a si)
Cun tuchun ah Ralhrang 20 hrawng zong tlangzar khua in Hakha leiah a kalmi an hmuh than hna. Ralhrang an hmuh hna lio hrawng hi, Ramthlo le Chuncung kar hrawng an kal lio a si tiah an chim.
Hikha hrawng ralkap a chawkletmi hi, Fawitein Laikua leiah an kai khawh! Lai kua cun khualhringtlang lei luhnak a si colh cang i, kan hnu lei khualhringtlang thil a cangmi kongah ralkap hi an lung a tang khomi a si tiah a ruattu zong an um.
Atulio cu aho kan si poh ah Kawl ralhrang kong kan theih tikah, Lau tuk loin, ralring deuh tuin um thiam i zuam hna u sih! Kan teihrimhrim hna lai.
Leave a Reply