Chuncung Khua Ah Tlaihhrem A Tongmi Kan Nau Nu Kha Kum 18 A Tling Cang

Chun Cung Khuabawi: Tlaihhrem A Tongmi Kan Nau Nu Hi Kum 18 A Tling Cang

Chun Cung khua ah tlaihhrem a tong mi kong he pehtlai in kumtling lo a si le silo kong ah Chuncung khuabawi nih kum 18 a tling cang mi a si tiah CBN ah a chim.

“tlaihhrem a tong mi kan naunu kum 17 lawng a si rih an timi hi a hman lo mi a si. Chuncung khua kan nau nu hi kum 18 a tling cang. Tukum zong mee a pe ve tiah Chuncung Khuabawi nih CBN ah a chim.

Cu pin ah tlaihhrem tu mipa kong he pehtlai in “kan nau nu a tlaihhrem an ti tupa hi kan naunu a pa he kawifa an si i aa daw ngai mi zong an si hna. Kan nau nu a tlaihhrem an ti tu pa nih hin phaisa a thenh pah lengmang mi a si. Amah kan naunu zong nih an inn ah a va kal i phaisa a va hal pah tawn hna. Anmah pahnih kong ah thil fiang theinak ding caah atu hi Hakha sii inn ah an thi an kan chek piak lio hna a si tiah Chuncung Khuabawi pa nih CBN ah a chim.

Note: Chun Cung kan nau nu hi kum 18 a tling cang mi a si caah tlaihhrem a ngah ko tinak caah tial mi a si lo.  Kum 18 a tling rih lo mi a si tiah thawngpang fiang loin theih a si caah kum 18 a tling ko tiah fianter duh mi cu a si. 

Laknak: CBN