Chuahkeh Nak An Khualei Ah A Kal Cuahmah Mi Hna Tlanglawng (Train) Nih A Rial Hna Caah Minung 16 An Nunnak A Liam

India ram Maharashtra District ah nizan May 7 ah khan tlanglawng lam cung ah a riak mi hna pawl an chuahkeh nak khua lei ah a kal mi hna cu tlanglawng (train) nih a rak rial hna caah minung 16 an nunnak a liam tiah theih a si.

Hi hna tlanglawng lam cung ah a riak mi hna pawl hi an riantuan nak hmun Jalna in Bhusawal lei ah a kal mi hna an si I an khuallam hi 175 kilometres a sau mi a si. Tlanglawng tuanvo ngeitu pakhat nih a chim ning ah cun hi hna pawl hi Jalna in zanlei nazi 7 in an I thawh hna I an ke in tlanglawng lam cu an zulh hna.

Cun zantlai hnu ah sautuk an ke in an kal caah an thadi tuk cang hna I tlanglawng lam cung ah cun an I din hna. Tlanglawng lamcung I ke in an kal caah an thadi tuk cang hna caah chikhat an rak I hngilh thi karlak ah tlanglawng hi a rak phan. Cun tlanglawng driver nih a hmuh ko hna nain tlanglawng cu ka dirter lai a ti ah cun direct in dirter khawh a si lo caah ai hngilh mi pawl cu a pah dih hna hi a si I minung 16 nunnak a liam hi asi tiah tuanvo ngeitu nih cun a chim.

Covid-19 pulrai ruang ah India ramchung vialte hna cu lockdown dih a si caan hmunkip ah riantuan tu vialte hna zong an rian in dinhter dih an si hna caah minung tampi hna cu an chuahkeh nak khua hmanh ah kir kho loin an um hna. Cu ruang ah hi hna pawl zong hi an riantuan nak hmun Janal in an khua leiah a kal mi hna an si tlanglawng lamcung ah an I dinhnak ah an I hngilh sual caah tlanglawng nih a rial mi hna hi a si.

Ref: Hindustan Times

 147 total views,  1 views today

This function has been disabled for Chin 11 News.