Chinramkulh Mindat Peng Ralkap Thazaang An Chap Cuahmah I Ralhrang Minung 1000 Hrawng An Si Cang

Mindat ah kahnak a chuak lengmag i ralhrang nih ralkap thazaang an chap thluahmah caah Mindat ah ralhrang a um mi hi a tlawm bik in minung 800-1000 kar hrawng an si tiah theih a si.

Kan hnu lei deuh CDF Mindat le ralhrang kahnak ah ralbawi pakhat cu CDF nih an thah i mah a thih hnu in ralhrang thazaang tampi an chap tiah an chim. A Tulio Mindat ralhrang thazang cu an tam taktak. Mindat ralhrang um zah hi fiang tein hngalh dih a si lo nain a tlawm bik  minung 800- 1000 kar lak an si lai tiah CDF hruaitu pakhat sin in theih a si.

Relchap:PNO/PNA nih Ralhrangbu An Bawmh mi Cungah Pa’O Mino Nib Duhlonak Cathanh an Chuah Pa’O National Organization in pituhsit ah a let mi (PNO/PNA) nih ralhrangbu he fonh in PDF le KNDF hna a doh mi kongah Pa’O mino bu 11 fonh in August 18 ah duhlonak cathanh an chuah.

Atu hi ramchung ramleng Kawlram mipi vialte nih ralhrangbu kan doh lio ah, PNO/PNA nih ralhrangbu a domi mipi PDF le KNDF hna cu ralhrangbu he fonh in a doh mi cu kan duh hrimhrim lo.

Ralhrangbu he a lamkip in a tangti mi PNO/PNA hna cawlcanghnak cu Pa’O miphun vialte he pehtlaihnak a ngei lo.Ralhrangbu thazaang a pe mi PNO/PNA tuahser ning cu fak piin kan doh tiah ramchung, ramleng ah a ummi Pa’O mino bu 11 nih cathanh an chuah.

PNA pituhsit cu 1949 ah PNLO in 1990 ah ralhrangbu cozah he kahdaihnak an tuah hnuah PNA min in ralkap kuttang Pituhsit ah a let mi an si i, 2010 thimnak ah PNO party min in a cuh mi ve an si.Taungkyi ah hrambunh mi an si i, Taungkyi, Linkhei pengkomh, Pa’O autonomous region chung Hopone, Sisai, Maukme, Panglong, Pitaya hrawngah a cawlcanghmi an si.Ref; TNA