SAC ralkap pawl motor 14 le Tank motor 2 in Chinram an rak kai lio
September 16| Pakokku in SAC ralkap pawl an motor 14 le tank motor (hriamngan kahnak ah hman mi motor) 2 he Chinram an rak kai lio i atu (8:55 AM) hi Pungtaung-Pungngyia hrawng an phan tiah theih a si.
A rak kai mi SAC ralkap motor nih rian an thial mi Palek 40 hrawng le an riahcaw zong a phurh pah fawn tiah theih a si.#Crd Hkl; THT
Relchap:Sagaing ramthen Palae peng Pan khua ah ralhrang phu hna nih September 15 ni ah khuachung lut in khuami minung 40 hrawng an tlaih hna, an umnak inn cia ah cycle le phone an lak piak hna tiah khuami nih an chim.
Zinglei suimilam 8:00 hrawngah khuachung ah an lut, khuachung mi hna zong nih ruahlo pin a si caah an tli manh lo,an inn checkhlat piak in thil zong an hrawh. Zaan suimilam 7:00 hrawngah ralhrang motor pahnih he khuachungah minung thazaang chap in an phan than, khuachung mi an zaaten an zaam” tiah khuami pakhat nih a chim.
Khuachung ah lutmi ralhrang phu hna nih khuachung um mi hna cu an tlaih hna, sii lei riantuan CDM tuahmi zong a umnak inn cu kawl in an tlaih hna. Tlaih a tong mi mipi hna chungin ralhrang phu lei ralhrang a pa a tel caah,thlah piak ding phone an chawnh caah an thlah tiah a chim.
” Khuachung inn an hrawh, dawrchung thilri zong an lak, a tu ahcun khua cu kal tak in an zaam dih caah zeitluk tiang in dah an hrawh ti cu fianghlang in kan thei rih lo ” tiah khuami pakhat nih a chim.
Khuachung ah ralhrang nih luhhnawh ruang ah a zaam mi hna chung in ngandamlo mi , kum upa cang mi le oxygen hmang lio mi zong an i tel caah tlik zaam nak a har ngai tiah theih a si. Ralhrang phu hna nih zei chim lo in Pan khuachung ah an luh hnu checkhlat nak an tuah leng ah khuachung vok hna zong that in an chumh chuan tiah theih a si.DVB;TCP
Leave a Reply