Chinram Sifahnak Hi $ Kuatnak Nih A Donghter Kho Lai Lo, Rianttuannak Tu Nih A Donghter Deuh Lai

Carlos Slim Bia: Chinram Sifahnak Hi $ Kuatnak Nih A Donghter Kho Lai Lo, Rianttuannak Tu Nih A Donghter Deuh Lai

Vawlei cungah a rum bik mi Mexican billionaire pa Carlos Slim nih a chimmi cu “poverty is fought with work, not with charity” tiah a rak chim. Chim duh mi cu, mihar bawmhnak ah tangkaa tampi pekchanhnak nih vawlei sifahnak a donghter kho lo. Sifahnak dohnak ahcun rianttuan a biapi ti khi si.

A bia a peh rih mi cu, a luancia kum 50 chung ah Trillion $ cu mihar bawmhnak ah pek a si nain cu tangkaa vialte cu a lak bantuk ah a cang.” tiah a chim.

Nihin ah kan Chin ram cu kawlram chungah a sifak bikmi ramkulh a si. Nain Chinmi minung 100 000 (sing khat) hrawng vawleicung ramttha ah kan phan hna i, cu pawl nih $ tor le cheng ram chungah kan kuat. 2017 ah khan Western Union nih an website ah an tarmi cu, Western Union hmangin kawlram chung phaisa a kua tam cem cu Chin State ah a si tiah an rak tar. Cu long hmanh cu a si rih lai lo. US hi cu Puaisa sinin a kuami an tam tuk rih lai.

Cu i a fiang mi cu, nihin ramdang um Chinmi hna nih Chin ram ah kum chiar phaisa kan kuatmi hi a tam taktak ko ti a langhter. Nain nihin ah Chinmi kan sifahnak a zor maw ti ahcun a zor nemmam rih lo.

A ruang cu Chin ram chung a ummi kan chungkhat kan unau hna nih rian an ttuan tuk lo caah a si. Ram dang in kan chungkhat pawl kan kuat cio mi hna phaisa vialte cu, rianttuan a huam mi, chawleh chawhrawl a huammi Kawl pa kut thiam ah a phan dih ko i, rianttuan a huammi Kawl pa tu nih aa rum pi.

Cucaah cun tangka in mi bawmhnak nih hin sifahnak hi a donghter kho lo, sifak pa pumpak hrim in rianttuannak tu nih sifahnak hi a donghter deuh lai.

Source: Salai Biak Tum Lian’s fb

 293 total views,  1 views today

This function has been disabled for Chin 11 News.