Chinram November Thimnak Kong Hi A Ropui Ko Lai hi

November thimnak Chinram hodah a thawng hnga?
==================================
NLD khi 2015 lio bantuk cun an thawng tuk ti lai lo, nain Suu Kyi a lar tuk caah rampi cozah cu duh zong duh lo zong ah an ser than hrimhrim ko lai.

Chinram, abik in Hakha le Thantlang peng ah cun NLD le CNLD hi biatak ngai in an i zuamcawh te lai. USDP cu chimtlak an si ti lai lo, arti khuai kho dawh an si ti lo.

Chin mipi nih mee pek ding ah an zoh bikmi cu ‘ahodah kan khua caah thahnemnak a tuah kho lai? Aho dah cozah power a ngei te lai?’ timi hi a si. Laitlang khuate ah ‘federal le ral lo’ an buaipi lem lo. Thanchonak development kha 1nak ah an zoh i 2nak le 3nak zong ah development kha an zoh ko.

USDP nih 2015 hnu in cozah an tlaih khawh ti lo caah Vuanci Pu Van Thawng le Dr. Hmuh Thang zong an mipi caah zei pipa an tuan kho ti lo. Zei pipa an tuan khawh ti lo caah mipi nih an thim than duh hna nak ding lam a tlawm ngai cang.

Atu lio sining ah cun CNLD zong nih cozah a ser khawhnak ding lam a tlawm tuk, cozah an ser khawh hlei lai lo caah an minung MP thim cu pakpalawng a si ko tiah a ruatmi khuate an tampi lai. CNLD nih strategy tha an ngeih a herh te lai.

NLD cu cozah huham he campaign an tuah lai caah an thawng ngai rih ko lai. Nain, khuapi ah cun an thazaang a der deuh te lai. Cozah cu an ser rih ko lai nain 2015 lio tluk cun thawn dawh an si ti lo.

 286 total views,  1 views today

This function has been disabled for Chin 11 News.