Chinram Mindat Khuapi I Ralhrang Cawlcangh Cu Ttih A Nung Ko

Mindat Peng Ah SAC Ralkap Nih Hramhram In Inn Pakhat An Khangh

Chin ramkulh, Mindat khua luhnak ah a ummi Loattat(လုတ်တက်) khua inn khat SAC ralkap nih February ni 27 ah an khangh tiah theih a si.

Hi thil a cangmi kong he pehtlai in mit hmutu pakhat nih Mindat hrambunh khahlahyiah 274 nih a ruang um loin hramhram in an khangh tiah a chim.

“Mindat hrambunh kahlahyiah 271 nih an khangh, zeiruang ah dah an khangh cu kan hngal lo, a tulio hrawng ah SAC ralkap nih Yaw hmunhma le Mindat ramri ah rallam sialnak an tuah” tiah a chim.

Loattat(လုတ်တက်) khua cu Mindat he meng 5 tluk aa hlatnak ah a ummi khua pakhat a si, 2021 April thla chung kahdohnak a rak chuah lio zong ah SAC ralkap nih umhmun an rak khuarnak khua a si.

“February ni 27 ah SAC ralkap nih Loattat khua an khanghmi inn hi tualchung mi sawhsawh an umnak inn a si, innngeitu hi kum upa an si cang i lothlawh in pum cawmnak a tuahmi an si” tiah Mindat khuachung ummi pakhat nih a chim.
The Mindat Post
The Chin Post