Chinram Mindat Ah SAC Ralhrang Le Mindat CDF Kahnak A Chuak Nolh, Pawngkam Khua An Zam Dih Hna

Nihin August ni 16 zingka suimilam 7:00am ah Min Aung Hlaing ralhrang le Mindat CDF kahnak a chuak than tiah theih a si. Mah an i kahnak hi Mindat nitlak -chaklei ah an i kahnak hmun hi a si. Hi kahnak a chuak le cangka in an i kahnak khua pawngkam vialte cu an inn lo an chuaktak dih hna i an zaam dih hna tiah theih a si.#Crd Shan Aung Maung

Relchap: Kum 20 tluk an thlah cang mi Afaghanistan le khualipi Kabul cu Taliban nih August 15 ah an lak than. – Nawlngeihnak i phawtzamh ding kong ah Council ser i dai tein nawlngeihnak i pekchanh ding an i tim cuahmah.

– Afaghan mi nan dihlak nan thinphang hlah u. Nan limhaang, sining le mah le mah i upatnak vialte kan in runvenpiak hna lai, tiah Taliban tapung hriamtlai nih bia an kamh hna.

– Nitlaklei ram pawl nih an rammi le Embassy pawl lak a timh hna i US ralkap nih Kabul Airport fekthup in an venhim. -Hi buainak lio ah Russia le Turkey cozah nih cun Kabul ah Embassy zung pehzulh in hon a timh. – Taliban phu hi theihpi/cohlan colh lo ding in ram hawikom pawl zong ka sawm hna lai tiah UK Prime Minister Boris Johnson nih a chim.#BBC

Relchap: Afaghanistan President Ashraf Ghani an ram in a zaam hnu August 15 ah Taliban tapung pawl President Office ah hmunhma an laak lio hmanthlak. -Kabul khuapi International Airport ah minung an khat. Mah ram cio ah kir aa tim mi le Afaghan pawl ram in zaam aa tim mi tiin an khat.

-US nih a ralkap le rammi riantuantu a laak manh lo mi hna chanhchuah ding in ralkap 6000 a thlah cang. -Kabul Airport le US Embassy hrawng cu Taliban nih hnursuan khawh lo ding in US ralkap nih fekthup in an runven.THT