Chin Ramkulh, Matupi ah a um mi Ralkap chung in minung(36) bak Covid zawtnak nih a den chap hna tiah Mizzima News nih a tarlangh.
Matupi hrambunh, Ralkap Khah-Ma-Yah(140) chung in minung pahnih Covid zawtnak an ngeih hnu ah a daang zong an check hna i minung 36 sin in zawtnak an hmuh chap hi asi. RDT Test Kit in check nak kan tuah hna i minung 36 sin in zawtnak kan hmuh hi a si tiah an chim
“Ralkap chung cu an mah tein an i tawlrel, an mah le Tatzin cio in check nak zong an i tuah ve. Tatzin (140) chung lawng maw Covid zawtnak a ngei mi an si timi zong fiang in kan thei lo. Matupi ralkap ning pi in dah Covid nih a tlak hna ti zong theih ngai ngai a si lo. Atu tiang ahcun Ralkap minung 36 Covid zawtnak an ngei timi vial lawng kan theih ve rih. Tatzin 140 he aa pehtlai mi, an umnak a simi Matupi khuate zong Stay Home thah a si cang” tiah Matupi khuami pakhat nih Mizzima sin ah a chim hi asi.
Matupi khuapi zong Lockdown thanh a si cang. Atu hi khuapi chung siseh, khuate ah siseh, minung 593 check nak an tuah hna i cu chung ahcun Matupi minung 13 sin in Covid zawtnak hmuh a si tiah Mizzima nih cun a langhter fawn.
Leave a Reply