Chinram Khuapi Hi Kan Lak Khawhtuk Cang, Chinram Khuapi Kiangkap Ah CNA/CDF Nih Hmunhma An Lak Dih Cang

Kawl Media phu pakhat nih Pu Lian Hmung Sakhong cu biaruahnak an nei i Cu ahcun a chim mi cu, Kawlram khuapi dang pawk a buai rih lo caah chinmi hi kan dai rih. Hmun dang buai loin kanmah chinmi lawng biatak tei cawl cu kan duh rih lo caah Chinram khuapi kan kah rih lonak a si tiah a chim.

Chinram khuapi umnak pohpoh cu Khuapi pakhat ah Kan chin ralkap hmun thum in kan chiah hna i kan kulh dih cang. Kawlram khuapi an van kah bak in kan phomh ve hna lai khuapi kan i cuh cang lai tiah a chim.

Cun tunai ah SAC ralhrang pawl nih Jet fighter in an kah mi Thantlang le Hakha karlak ah CNA/CDF camp an kan kah cang. Mah khakha kan camp a si tiah a chim than. Mah hihi a chim mi tampi lak ah A point in kan lak mi a si.By.. Pa Hu


Theihtlei relchap>>>>Laimi cheukhat hna i kan catialmi hi miphun dang nih an rel khawh sual lai ti ka phangmi ka hmuh theu, caa lawngin a si lo: kan holh hrimhrim zongah hin a chuak tawn ko.

Cucu zei dah si tiah cun, kan nupi le pasal le fale, In chungkhar kan santleih lonak, kan Khrihfabu chungmi i soiselnak, kan miphun le kan khua le kan ram santlaih lonak hi facebook chungah hin tam tuk ka hmuh cang le, hilei kam i biachim le catial hi cu ka uar lo tukmi a rak sive caah, ka uar ning tein ka van tial ta ve.

Kan unau Mizo hla i ka uar cemmi cu, Mizo kan ni kan hmel a tha kan tum a sang bawk si. ziah kan unau Mizo pawl hehin kan i dannak ka hmuh hlei tung lo: Democrecy ram an si caah an nuntu khawsaknak i an i nomh ti lo cu, kan cung i an cuangnak hi ka hmu hlei lo.

A cu lioah cun, kan i thawh i, Thlangtlang peng pa pakhat nih Tilawng a kalmi cu, Ti cungah Inpi a kal timi hla cu thiam emem in a hon sak le kan uar khawh ning kha mu: ka pawng i an sakah khan, a teh i teh hmanh kaa relh lo tlangkhat dan tal i zuan tâk khi ka duh hna. kan taksa pum hi cu kan zuangter kho lai lo nain, kan thinlung hi cu vansang piah khin zuanter khawh a si.

Evi le Adam cithlah ciocio kan thinlung ruahnak kan i dan khawh hna ning hi, America hla pakhatah cun hitin an ti ve. Our blessed Country of God shall not peresh till the end of the World. Pathian pekmi kan ram hi chan dongh tiang hmanhah a mui ti lai lo,ti khi si ko.

Pathian sermi ciocio,kut pahnih ke pahnih mit pahnih thluak le thin le lung aa bang cio te in sermi kan si ko, kan nun hi zuangter ve cang sih, kan hmailei kalmi hna zohnak câng hi thiam ve hna u sih.
Cân neih lo pah cun duhningin ka tial manh lo le nanmah ten rak chap cang u.
Crd… Lian Hu

Be the first to comment

Leave a Reply

Your email address will not be published.


*