Chinram Kahdohnak Ah SAC Ralhrang tam taktak An Thah Than Hna

Hein Zing khua ah a ummi SAC ralhrang hna cu mipi ralkap fonhmi phu nih luhhnawh in an kah hna caah ralhrang (15) an thi.

Chin ramkulh Hein Zing khua ah a ummi nawlngeihnak latu SAC ralhrang hna cu nihin January 21 zinglei sml 1:45 ah CDM Siyin, PDF Zoland, Zomi PDF, CNA, Kalay PDF Battalion 3, 8, 9, PDA, Zogam Army, CDF KKG hna i fonhin luhhnawh in an kah hna caah SAC ralhrang (15) an thi.

Mipi ralkap fonhmi phu leikap ah pahnih nih meithal hliam an pu nain an zual lo tiah Zomi PDF nih cathanh an chuah. Cucaah zinglei sml 9:00 ah Kalaymyo University in lamhlat kahnak miap-pi in Hein Zing khua pawngkam cu vawi (11) bak an kah.

Nawlngeihnak latu SAC ralhrang hna cu Kalaymyo in January (13) thawk khan Chin ramkulh ah an kai hna i, Kalay le Chin ramchung motor lam pawng Hein Zing khua ah umnak sakhan an tuah caah motor an tlungkal kho ti lo i, thil man zong biatak tein a kai tiah Zalen nih a tial.The Fedaral Times

Theihtlei>>>>>>

Zeitin Dah Kan I Rem Khawh Lai?
Ka palhnak a um ahcun hung ka chim. Na lung ka tlin lonak um cun fiang hlang tein ka chim law ka nun remh a herhnak ahcun hung ka remh. A herh ahcun a sik zong hung ka si ko. A ka naihniammi na si cun❤️
Asinain, ka hnu lei in kong ceih le bia neng in va ti le chonh duh loin vai umter kha cu ngakchia lawng nih an hmanmi a si caah pehtlaihnak a zortertu a si lai.
Naihniam tein a ummi hna kan i pehtlaihnak a rawh lonak ding ahcun kan duh lomi ummi kha kan i ruah ding a si❤️ Kanmah le kanmah kan i timi kha kan i huat caah a si lo. Dawt ca tu ah a si.
Theihtlei❤️

Be the first to comment

Leave a Reply

Your email address will not be published.


*