Chinram Hriamtlai Koko Hmanh Kan I Rem Lo Ahcun Ralhrang Teinak Ding Lam A Um Lo

Zeitluk in dah state pakhat chungah hriamtlai hi lungrual a herh tihi kan theih tuk cang lai dah. Kan hawi shan ram khi zoh usih law hriamtlai phu tampi an um hna. Khikhi i bawm loin anmah le anmah an i kap i nihin tiang an i tu ko khih. Anmah ca thatnak pakhat zoh in an um cio hna caah ral an tei kho lo.

Shan state ralkap vialte khi anmah le anmah i rem hna sehlaw ttangrual in ralhrang hi do hna sehlaw Shanram ah kawlralkap pakhat hmanh an um ti hnga lo. An tei tuk hna hna i an ram chung khi anmah tein fawi tein an i uk kho hnga. Anmah le anmah an i kah peng le an i rem lo caah ralkap khi nihin tiang an tei hna lo i anmah le anmah tu an i phomh peng.

Hmun dang chim hau lo nihin kan chinram kan dirhmun hi zoh lo awk a tha hrimhrim lo. Chinram hi minung tlawmte kan si anin. peng kip rem lonak a tam taktak nak hmun a si. Politics in siseh biaknak hmanh ah kan i zum hna lo caah Association tampi kan dir hna hna i cu ticun kan um.

Dothlennak nih a kan phak i nihin ah arem lo mi hriamtlai kan tam taktak. Cathanh kip kan i chuah hnawh hna i CDF le CDF hmanh peng khat le pengkhat hmanh cu ticun kan um. Kan ral bik a si mi Min Aung Hlaing hi kan target a si kan philh deng cang. Chinram hi mirum le thil sunglawi chuahnak hmun rak siseh law hriamtlai kip kan tho hnga i kanmah le kanmah kan i phomh tuk cang hnga.

Shanram bantuk phun deng kan si cang. Nihin ah kan lung a fim lo a si ahcun ralkap hi tei hna hlah usih law chinmi hi miphun vaivuan kan si kho. Hmun kip ah sifah buin kan i then hna lai i kan tlau thluahmah lai. Nihin i i dawt caan le i rem caan, kan miphun nih ral kan tuk lio a si caah remnak ngan pi kan karlak ah a um a hau.

CDF min kan i sak mi ruang hmanh i remnak a um lomi miphun kan si hi ningzak taktak kan si ko. hmailei i kan zia kan thinh lo a si ahcun ralhrang hi fawi tein tei ding kan i ruah chan mi hi kan tei kho hna lai lo i sal ah kan thih tiang kan tang lan lai. Miphun lungrual nak zawn ah kan i fun tthup a hau cang. Cucu teinak lam pakhat kan neih mi a si. Crd..pa LianHc

Relchap>>>>Ni 15 Chungah Sagaing Peng Tualchung Mi 7 Nak Tlawm Lo Thah An Tong

Sagaing ramṭhen, Sagaing peng khuate ah September 1-17 tiang ah tualchung mi 7 nak tlawm lo thah an tong. A thimi hna chungah khuabawi zong an i tel, tiah mi bawmchantu phu sinin theih a si.

“Nizan September 16 ni zinglei sml 2:00 hrawng ah Sagaing peng Sinmay(ဆင်မြေ) khuami Nan Aung Thu(50) le Phyo Min Thu(35) hna cu an inn ah hriamtlai phu khat nih an thah hna,” tiah mi bawmchantu pakhat nih a chim.

September 14 zan sml 11:00 hrawng ah Sagaing peng Aungsipin(အောင်စည်ပင်) khua i, inn zaa uktu Win Khine cu a inn ah a um lioah hngalh lomi hriamtlai phukhat nih an thah, tiah theih a si.

September 12 zanlei sml 4:00 hrawng ah Sagaing khua Nilar sang No.3 Sagaing-Shwe Bo pengkomh kalnak lam ah kum 20 tluk nu pakhat le kum 30 tluk nu pakhat cu an hmai hup buin thah an tong. An ruak pawng ah kum 2 tluk ngakchia pakhat zong an hmuh, tiah theih a si.

September 8 zanlei sml 1:00 hrawng ah Sagaing peng Htantaw(ထန်းတော) khuami Zaw Ye Aung cu a inn ah hngalh lomi hriamtlai phu nih nam in an sawh i a thi.

September 1 zinglei sml 6:00 ah Sagaing khua Seti(စည်တီး) sang ummi Kyaw Naing zong minung 2 nih an rak kah thah.

Relchap>>>>Myanmar Ralzaam Kong Ah Aizawl Deputy Commissioner Nih Cathanh A Chuah!
Myanmar ram buai ruangah Mizoram ramkulh chung a rak lutmi ralzam hna nih a tanglei zulhphung hna hi nan zulh a herh.

1.Myanmar ralzaam nih cozah theihpinak le lungtlinnak tello in inn le hmun cawk khawh a si lo.
2. Mizoram cozah theihpinak tel loin chawlehnak, dawrtuah ti bantuk an tuah kho lo, abik in phung nih a onh lomi thil hrimhrim tuah khawh a si lo.

3.Ralzaam hna nih Myanmar ram in nan van i ratpi mi Cycle le motor hna cu khuabawi te sin le Ralzam Bawmchantu Committee hna sin ah theihternak tuah ding.
4. Myanmar ralzam hna nih Aadhar Card, Voter ID tuah khawh a si lo.

Be the first to comment

Leave a Reply

Your email address will not be published.


*