Chinram chaklei ah kahnak nichiat tiawk in a chuak cang caah mipi zong a hliam mi an um len hna, inn lo zong a rawk mi a tam ngai cang. Tunai ni thumli chung cu Hakha khuapi ah meithal le bomb a puah peng i mipi zong thinphang in an um hna tiah kan theih.
Thantlan zongah kahnak a chuak pah lengmang Hakha le Thantlang ah kahdohnak a chuak hnu in mipi nih tuar hram an thok ve cang. pumpak le chungkhar nih zeitluk in dah kan i ralrin a herh le kan thut dir lai tihi ruah a herh taktak cang.
Kahnak a chuak hlan ah thawng an kan thanh rua lai tiah kan i ruah nain, zei thawngthanhnak hmanh um lo in kahnak hi a chuak ko. Cu caah zeitik caan poh ah kahdohnak hi kan pawngkam ah siseh kan khua kan ram ah a chuak kho mi a si caah pumpak le chungkhar in ralrin thiam le thut dir zia thiam a herh taktak lio caah a si. Zaamnak kongah a hmun um mi nih thil sining nan theih bik caah khua upa le thlangtla tu nih an chim mi kha tha tein ngaihpiak an hau.
NUG nih rampi ning in ral kan tu cang lai tiah thawng an thanh hnu in, hmun kip khuapi le ramthen ah kahdohnak le bomb puah thawng daih caan a nei tilo caah ramchung mipi zong nih harnak fakpi kan ton hna i, mah nak fak harsatnak hi kan ton kho rih caah pumpak le chungkhar ralring tein kan um a hau cang. Pathian nih kan miphun him tein kan kilveng hram ko seh!.,, By Pahmung Mh
Leave a Reply