Chinram Ah SAC Ralhrang Hman Mi Mytel Tower An Hrawh Ve Cang

Tedim peng,Taingen khua pawngah Mytel Tower Hrawh A Si
Tedim peng,Taingen khua pawngah Operator 3 ummi Tower i Mytel thilri cu PDF-Zoland, pawl nih September 21 zaan suimilam 9:30 ah an hrawh tiah theih a si.

Hi Tower ah Mytel,MPT,Telenor ti’n chiah mi a si i Mytel Generator,thilri pawl an hrawh hi a si. Tedim peng ah Mytel Tower 6 an hrawh cang.Myanmar ram pumpi huap in Mytel Tower 100 leng mipi vengtu nih an hrawh cang.

Relchap:Myanmar ram ah a luancia 2019-2020 tangka kum a zarhthumnak hrawngin Covid zawtnak ruangah rampi economic cu a tumchukmi cu thlaruk chungah tuahremh le nunter than dingin caankarlak National Planning Bill (အမျိုးသားစီမံကိန်း ဥပဒေ) ser dingin kan i zuam lio tiah SAC Chairman Bochohhmuci Min Aung Hlaing nih a chim.

A hlan ah cozah tangka kum cu kumhlun October in kumthar September tiang rak rel a si nain 2022-2023 tangka kum cu kumhlun October in kumthar March tiang, caankarlak National Planning Bill ah thlen a si lai tiah Sept 22, nizan i Naypyidaw ah tuahmi National Planning Commission meetingah a chim.

Hi thlaruk chung National Planning Bill nih rampi economic le zatlangrian hna cu a nunter than lai i mipi khuasak tintuknak tampi a bawmh lai. Fak piin kan i zuam a si ahcun caan tawite chungah a rang i hmual a ngeimi theipar kan zun ko lai tiah SAC chairman nih cun a chim.

Myanmar ramkhel hlathlaitu thiamsang hna nih cun nawlngeihnak lak hnu i Min Aung hlaing biachimmi hna cu rampi nih a tak in a tonmi hna he aa kalh caah rampi limhang a zor i ngaihchia taktak a si ko tiah an chim. BBC Burmese#TCP

Be the first to comment

Leave a Reply

Your email address will not be published.


*