Chinram Ah Ralkap Thazaang An Chap Lengmag Caah Kahdohnak Hi Zual Dawh A Bang

Kawlram chungah a lisa bik thawngpang a hung chuak mi cu Chinram hi raltuknak hmun le kahnak a tambik hmun pawl ah a tel cang. July thla chung caan tawi te hmanh ah kahnak voitampi a chuak mah hoi cang i ralzaam an karh than tiah ralzaam tuanvo ngeitu pakhat nih a chim.

Kan ruah ning nakin kahnak hi a zual pah thluahmah cang caah mipi nih a bupi in zaam hi a him fawn tilo, zawtnak le a karh caah mipi caah himnak a har ko cang tiah a chim chap. Chinram kahnak ah hin ralkap hi minung tampi an thi cang caah cunglei nawlpeknak in Ralkap thazaang tampi an chap than.

Hitluk furpi le sul le lam a that lo lio hmanh ah mahtluk in kahnak a fak ko a si ahcun hmailei chinmi kan dirhmun cu a that lei nakin chiat lei deuh lawngte a panh cuahmah cang ko tiah an langhter.

Mindat le Matupi hrawng cu nichiar tiawk in kahnak a chuak caah zaangfak ngai an si cang, Hakha ,Than Tlang, Falam hrawng caan tlawmpal te i kahnak a chauk hmanh ah awlok chawng le chungsi vang in kan um i khua tiangin kan chuahtak.

Hi ti i caan a kal ko a si ahcun Chinram cu kahnak a peh lai i mipi nih hinak fakin harsatnak le thihlohnak kan tong ko. Mindat lawngte ah ralkap thazaang an chap hoi i, Kahnak ruangah ralzaam kan karh chinchin cang lai tiah ralzaam zohkhenhtu chungtel pakhat nih a chim.