CDF-Mindat in Mino Pahnih an Nunnak a Liam; August 25, Mindat peng, Palei-Htwe khuate ah a cangmi CDF-Mindat le SAC ralhrang kahdohnak ah CDF-Mindat in mino pahnih an nunnak a liam, tiah CDF-Mindat nih thawngpang an chuah.
“A nunnak a liammi minung 2 chung ah pakhat cu a paw ah meithal in an khen. A dang pakhat hi nihin chun ah ramlak ah a ruak kan char. Meithal kuanhma in a thi ve,” tiah an langhter.
Ramlak ah an hmuhmi pa hi SAC ralhrang nih an tlaih i an hrem hnu ah an thah, tiah an rak ruahmi a si. SAC ralhrang nih an hrem hnu ah an thahmi si loin raldohnak ah kah a ton caah a nunnak a liammi a si, taih CDF-Mindat nih thawng fianhnak an tuah chih.[Burmese]
Relchap: Ralhrangbu vice senior general Soe Win nih covid-19 ruangah chawlehnak zeimawzat a tlak hlei ah ngunkhuai le kaadang in a lut mi phaisa zong a tlak caah a ra lai mi thla 6 chung cu phaisa a lut mi a hniam rih lai tiah August 24 planning and finance ministry office ah tuah mi meeting ah a chim.
Ralhrangbu atu hi caan karlak thla 6 budget 2021 October 1 in 2022 March 31 tiang cu ceihkhan lio a si i, mah thla 6 chungah regular in a herh mi le thil sernak sehzung hna tha tein a kal khawhnak ding, covid-19 caah hman ding le chawlehnak caah ramleng in tangka cawih le ramleng bawmhnak he tuah ding caah a herh mi hna a tel tiah ralhrangbu thawngzamnak nih a langhter.
Hmuh mi le hman ding budget estimate le tax he pehtlaihmi upadi hna cu a sikhawh chungin ser a hau mi a si tikah caan karlak thla 6 chung hman ding budget estimate hi ceihkhan mi a si tiah ralhrangbu nih a chim.Ralhrangbu nih NLD chan lio a rak hman mi financial year (October 1 in September 30) cu April 1 in March 31 ah thlen a timh lio a si. Ref; bbc
Leave a Reply