Chinmi Kan Mual A Pho Than: Rithaisi A Phur Mi Kan Laipa Mizoram Ah An Tlaih Ee

MIZORAM AH RIHTHEI SII PHUR TU KAI NGAH

Mani sun ah Mizoram Champhai check gate ah Rihthei sii a man India poisa in ting 139 man an kai ngah a si.

Hi Rihthei sii phur tu hi chinram Falam peng Sim Dihai khua mi a si ih Salai Lal Thawm Luai (kum 33) hnen in an kai ngah a si tin thuthei a si.
Crd..photo
Kalay mino

Relchap>>>>Raltlan hrang duhphorh tum nan Cawp le cilh in Ṭhulh sal
=====+=====
Kawlram raltlan hrang hmalak nakah ti`n MRRCM le Mizo Student Union hohanak thawn Delhi khualipi ah duhphorh tum a si nan mipi poksuak hlan ah cawp le cilh in an ṭhulh sal.

 

Hih thu thawn pehpar in Delhi ih um Falam upa pakhat cun “mawṭaw kan hlang thluh zo ih kan pok hlan nazi 1 hrawng duh ah ṭhulh sal dingin thu kan dong.”

“Delhi ah duun daan thawn milaw in duhphorhnak kan tuah ding tikah cozah hnen ah siannak kan dil hmasa. Cumi siannak kan ngah hnu lawngah khuasung duhphorhnak hmun ah caan kan hmang thei.”

 

“Tuzing January 28 ih duhphorhnak cu India ih um Myanmar raltlan pawl hrang ramdang feh thei nak lamzin phit sak mi ong sak dingin le Myanmar raltlan pawl India cozah in ṭha zet ih zohkhen dingin dilngennak neih tum mi a si nan, India cozah lam ihsin colh le cilh in in ṭhulh tir sal.”

“Atu hi Ministry of Home Affairs luban tong dingin hruaitu ṭhenkhat an feh. Cuhnu ah nidang ah kan tuah ding maw? ziangvek hmalaknak a um ding ti a ciang leh ding. Hnaṭuan ṭhulh rorin duhphorhnak teltumtu mipi pawl hmasong an um zet” tiah a ti.

Kan rampi a buai hnu ah India cozah in Myanmar raltlan pawl ramthumnak feh thei lo dingin exit permit a pe duh lo ruangah Delhi ih tang raltlan an um hnih thum ih, hih thu thawn pehpar in kan dung kum lam khalah duhphorhnak neih tum a rak si nan India cozah in siannak a pe duh lo ruangah an ṭhulh sal dah zo a si.