Chinmi A Bubu In A Kan Thattu Le Kawlrawn Ah Mi A Zaza In Tukapur In A Kan Thattu Hi Ralbawi Zik Changtu ” Soe Win” A Rak Si

Chinmi A Bubu In A Kan Thattu Le Kawlrawn Ah Mi A Zaza In Tukapur In A Kan Thattu Hi Ralbawi Zik Changtu ” Soe Win” A Rak Si

Hi Vialte Minung A Kan That Tuhi Ralbawi Ttihnung ” Soe Win” A Rak Si Ee, A Mah Nih A Remnak Poh Ah Bomb Thlak A Fial Hna

Chin ramkulh , Kachin ramkulh le Sagaing ramthen hna ah hmuitinh in vanlei kahdohnak an tuah ruang ah khuami minung tampi an nunnak a liam , a khawng mi an tam pinah inn le lo zong an I rawk dih hna hi bantukin vanlei kahdohnak nawl a pe hnu hi SAC lutlai chang tu U Soe Win a si kong an langhter hmuh a si .

Raltuknak lei tlangtla tu hna nih biaruahnak an ngeih hnu ah vanlei kahdohnak tuahnak ding cu Kah Sah Hta hna nih U Soe Win cu an hal hnu ah Soe Win nih kahnak nawl a pek hna , mah cu hnu ah cun vanlei in kahdohnak a phun phun in an tuah hi a si kong theih a si .

“Vanlei kahdohnak a awt hmaisa tu cu Soe Win a si , minung tampi a thih ter tu zong a si , a kuttang nih an chim mi a zulh ruang ah minung tam pi an thi nak hi a si tiah Nay Pyi Daw ralkap zung he a neihniammi pakhat nih a chim .
CDM a lutmi officer pakhat nih Soe Win hi vanlei kahdohnak lawng si loin “ vawlei lei kahdohnak le rallam sialnak pawl zong hi tampi a tuah tu le nawl petu pakhat a si fawn tiah a chim theih a si ve.

SAC vanlei ralkap umnak sakhan Ta Taa U , Hmaw Be , Nay Pyi Taw , Taung Ngu , Magway , pathein sakhan hna ah a um mi vanlawng le helicopter an chiahnak hna hmun in mipi ralkap le sualnak a ngeilo khuami hna cu vanlei in kahdohnak a tuah hna hi a si .
SAC ralkap nih vanlei tlangtlaitu SAC ralbawi Maung Maung Kyaw cu a rian in an thumh I 2022 January thla ah khan Ralbawi Htun Aung rian an khinh than hi a si , Htun Aung nih vanlei ralkap a tlangtlak hna hnu in rammi minung tampi an tinak le inn pawl an rawh an kangh nak hna hi a si .

Van lei kahdohnak tuah ruang ah theih khawh tawkmi bomb an thlaknak hna hmun cu, ngakchia telh in minung 12 an thihnak Sagaing ramthen , Depyazin le lat yat sianginn bomb thlak hnawh nak , Minung 80 an thihnak Kachin ramkulh , Hpakan peng bomb thlaknak , kum 6 ngakchiatelh in minung 10 an thihnak thantlang peng khuafo bomb thlak nak , minung 160 an thihnak sagiang ramthen Kanbalu peng Pa Zing Gyi bomb thlaknak le minung 11 hrawng an thihnak falam peng Webula bomb thlak nak pawl hna zong hi Htun Aung nih vanlei ralkap a tlangtlak hnu in an tuah mi hna an si .Crd…LCBN