Chinland F.C Nih Tidim Siizung Caah Covid-19 Runven Nak Ding Ah A Herh Mi An Hlut Hna

Myanmar national league chung ah club chungtel pakhat a si ve mi Chinland Football Club chungin an hruaitu lutlai a si mi hna U Nine Hung le tuanvo ngeitu dang hna tiin CHINLAND FOR TIDIM program in tuchung April 27, 2020 ah khan Tidim khuapi chung ah a um mi myohne siizung ah an kal I COVID-19 dohnak, kham nak le I runven nak caah a herh mi pawl bamwhnak an pek hna tiah thawngtheih a si.

Chinland F.C nih Tidim sizung le riantuan tu hna caah tiin an bawmh mi hna, an hlut mi hna hi PPE uniform 30, Mask 4000, khairiat kut hruk tuah 1000, spirit dur 100, blanketĀ  a ngan mi zun 30 le Chinlan F C Uniform tuah 30 an si hna I tulio thil man ning in tuak ah cun Ks. Ting 30 nak tamdeuh man hi an hlut mi hna a si.

Cun COVID-19 pulrai zawtnak tihnung hi doh dingin hmaisuang ah a kal mi hna pawl siibawi vialte hna le ngandam nak leiah riantuan tu vialte hna le mi harsa bawmhchanh nak leiah ai tel mi vialte hna cu Chinland F.C nih an lunglawmh nak le upat peknak kong zong Chinland F.C facebook page ah an rak langhter ve hi a si.

Cun Chinland for Paletwa program in Chinland F.C nih an mah le ti khawh tawk cio bawmh ding in timh tuah nak kan ngei ve tiah zong an rak langhter.

Chinland F.C hi Myanmar League 2020 an chuih nak ah hin puai 7 an chuih cang I puai 1 te lawng an sungh caah mark 18 in 2nd place ah an dir lio a si.

Ref: Chin World

 123 total views,  1 views today

This function has been disabled for Chin 11 News.