Chinchin Pek Thang An Hmuh Cio Ning: Richard Zatu

Tukum 2020 Kawlram pumpi thimnak ah CNLD in MP ai cuh ve ding mi Lai nusaltha ChinChin Pek Thang hi a riantuan mi le a sining zoh tikah tulio Chin miphun nih kan herh bakmi MP a tuan ding mi a si hrimhrim ko. CNLD a doh mi hna Party dang pawl nih an soisel len ko lai nain a taktak ah cun ChinChin Pek Thang bantuk minung hi pei tulio Chin miphun nih MP caah kan herh bak mi hna an si ko cu.

Chinchin hi Lai nusalttha pakhat a si. Dothlennak, Kahdaihnak, Cawnpiaknak zongah ai tel lengmang mi hmuhton mi tampi ngei mi a si. Vawleicung ram hruaitu cheuhkhat le Kawlram hruaitu pawl he zong ai tong bal mi a si.

Tlangcung party tampi komh bu NBF zongah atu tiang director ttuan mi a si. Tlangcung party upa vialte nih an hngalh dih. Kawlram TV zong nih Kawlram nusalttha pakhat tiin interview an tuah bal.

2020 thimnak ah nusalttha le pasalttha kan herh hna lioah Chinchin nih amah pengtlang tein Pyine Hluttaw kuzale ai zuam ve mi hi Thantlang peng kan van a ttha. Thantlang peng ai-awh in bia a chim kho ding le rian a ttuan kho ding a si.

 241 total views,  1 views today

This function has been disabled for Chin 11 News.